ஒரு மாதம் வரை ஃப்ரெஷ்ஷா இப்போ வாங்குன மாதிரி இருக்கும்: கீரைய ஃபிரிட்ஜில இப்படி ஸ்டோர் பண்ணுங்க

கீரை ஆரோக்கியத்திற்கு மிகவும் நல்லது, ஆனால் அதை ஃப்ரெஷ்ஷாக வைத்திருப்பது பலருக்கும் ஒரு சவாலாகவே இருக்கும். வாடி, வதங்கிப் போகும் கீரையை ஒரு சில நாட்களிலேயே தூக்கி எறிய நேரிடுவதுண்டு. ஆனால், ஒரு மாதம் வரை கீரையை புதிதாக, பசுமையாகப் பாதுகாக்க ஒரு சூப்பர் டிப்ஸ் இருக்கு. வாங்க, எப்படின்னு பார்க்கலாம்!

முதலில், நீங்கள் வாங்கிய கீரையை எடுத்துக்கொள்ளுங்கள். ஒரு கண்டெய்னரின் அடிப்பகுதியில் பேப்பர் டவலை மடித்து அடுக்கவும். கீரையை மெதுவாக கண்டெய்னரில் அடுக்கத் தொடங்குங்கள். எவ்வளவு முடியுமோ அவ்வளவு கீரையை அடுக்கலாம்.

ஒவ்வொரு அடுக்கிற்கும் இடையில் ஒரு பேப்பர் டவலை வைக்கவும். இது கீரையில் உள்ள ஈரப்பதத்தை உறிஞ்சி, புதியதாக வைத்திருக்க உதவும்.

கண்டெய்னரை காற்று புகாத மூடியால் இறுக்கமாக மூடவும். மூடுவதற்கு முன், மேலே ஒரு பேப்பர் டவலை வைக்கலாம். 

பராமரிப்பு: அவ்வப்போது, மேலிருக்கும் பேப்பர் டவலைச் சரிபார்க்கவும். அதில் ஈரப்பதம் அதிகம் இருப்பதாகத் தோன்றினால், அதை மாற்றிவிட்டு புதிய பேப்பர் டவலை வைக்கவும்.

இந்த முறையில் கீரையைச் சேமிக்கும் போது, மூன்று வாரங்களுக்குப் பிறகும் கீரை எவ்வளவு புதிதாக இருக்கிறது என்பதை நீங்களே கண்டு வியப்பீர்கள்! இந்த எளிய வழிமுறையைப் பின்பற்றி, ஒரு மாதம் வரை உங்கள் கீரையைப் புதியதாகவும், பசுமையாகவும் வைத்துக்கொண்டு ஆரோக்கியமான உணவை அனுபவிங்கள்!