அரிப்பு இல்ல, கருமை இல்ல: கோடைக்கு ஏற்ற சூப்பர் ஃபேஸ் பேக்

கோடை வெயிலின் தாக்கம் சருமத்தில் எரிச்சல், வியர்வை, அரிப்பு, கருமை மற்றும் பல்வேறு பிரச்சனைகளை ஏற்படுத்தும். எனவே, இந்த சமயத்தில் உங்கள் சருமத்தை குளிர்ச்சியாகவும், வியர்வையின்றி புத்துணர்ச்சியுடனும் வைத்திருப்பது மிகவும் முக்கியம்.

உங்கள் சருமம் குளிர்ச்சியாகவும், பளபளப்பாகவும் இருக்க நீங்களே வீட்டில் செய்து கொள்ளக்கூடிய சில எளிய ஃபேஸ் மாஸ்க் ரெசிபி இங்கே:

தயிர் மற்றும் கற்றாழை ஃபேஸ் மாஸ்க்        

சூரிய ஒளி உங்கள் முகத்தின் இயற்கையான பொலிவை மங்கச் செய்து, சோர்வாகக் காட்டும். தயிர் மற்றும் கற்றாழை ஆகியவை உங்கள் முகத்திற்கு உடனடி புத்துணர்ச்சியையும் குளிர்ச்சியையும் அளிக்கக்கூடிய சிறந்த கலவையாகும்.

செய்முறை  

ஒரு சுத்தமான கிண்ணத்தில் ஒரு ஸ்பூன் தயிரை எடுக்கவும்.

அதனுடன் மூன்று ஸ்பூன் கற்றாழை ஜெல்லை சேர்க்கவும்.

இரண்டையும் நன்றாகக் கலந்து உங்கள் முகத்தில் மெதுவாக தடவவும்.

15 முதல் 20 நிமிடங்கள் வரை அப்படியே விட்டு, பின்னர் குளிர்ந்த நீரில் கழுவவும்.

முதல் பயன்பாட்டிலேயே நீங்கள் நல்ல வித்தியாசத்தை உணரலாம்.

இந்த ஃபேஸ் மாஸ்க் சூரிய ஒளியால் ஏற்பட்ட பாதிப்புகளுக்கு உடனடி நிவாரணம் அளிப்பதோடு, உங்கள் சருமத்தை குளிர்ச்சியாகவும், பொலிவுடனும் வைத்திருக்க உதவும். கோடை காலத்தில் உங்கள் சருமத்தை கவனித்துக்கொள்வது மிகவும் முக்கியம் என்பதை நினைவில் கொள்ளுங்கள்!