அடிக்கடி நீங்கள் பார்க்கும் பழங்கள்தான்... சுகர் பேஷண்ட்ஸ் இதை மிஸ் பண்ணாதீங்க!

Healthy Fruits For Diabetes Patients : உலகளவில் இன்று அதிக மக்கள் சந்திக்கும் முக்கிய பிரச்சினைகளில் ஒன்று நீரிழிவு நோய். இரத்தத்தில் சர்க்கரையின் சமநிலை தவறும்போது நீரிழிவு நோய் ஏற்படுகிறது.  நீரிழிவு நோயை சிறுநீரக சிக்கல்கள், உடல் பருமன் மற்றும் இதய நோய்களுடன் தொடர்புயைதாக கண்டறியப்பட்டுள்ளது. இதனால் நீரிழிவு நோயாளிகள் தங்கள் உணவில் கூடுதல் கவனமாக இருக்க வேண்டும்

நீரிழிவு நோய் கட்டுக்குள் வைத்திருக்க ஆன்டி-ஆக்ஸிடன்ட்கள் மற்றும் அழற்சி எதிர்ப்பு சேர்மங்கள் நிறைந்துள்ள பழங்களை சாப்பிடுவது நல்லது., பழங்கள் நம் உணவில் வைட்டமின்கள் போன்ற அத்தியாவசிய ஊட்டச்சத்துக்களையும் சேர்க்கின்றன. ஆனால் சர்க்கரை நோயாளிகள் பழங்கள் சாப்பிடுவதில் கொஞ்சம் கவனமாக இருக்க வேண்டும்.

மாம்பழம், சிக்கோ, கஸ்தூரி முலாம்பழம் மற்றும் திராட்சை போன்ற பழங்களில் சர்க்கரை உள்ளடக்கம் மிகவும் அதிகமாக உள்ளது. இந்த பழங்களை நீங்கள் சாப்பிடலாம், ஆனால் நீங்கள் அவற்றை எடுத்துக்கொள்வதற்கு முன் உங்கள் மருத்துவரிடம் ஆலோசனை பெறுவது நல்லது.

உங்கள் நீரிழிவு உணவில் நீங்கள் சேர்க்கக்கூடிய  குறைந்த சர்க்கரை அளவுள்ள 5 பழங்கள் :

கொய்யா

கொய்யாவில் நார்ச்சத்து அதிகம் உள்ளது, இது மலச்சிக்கலை தீர்க்க உதவுகிறது.மற்றும் இரத்த சர்க்கரை அதிகரிப்பதற்கான வாய்ப்பைக் குறைக்கிறது. கொய்யாப்பழத்தில் உள்ள நார்ச்சத்து அஜீரணக் கோளாறுகளைத் தடுக்கும்.

பீச் பழம்

100 கிராம் பீச் பழத்தில் 1.6 கிராம் நார்ச்சத்து உள்ளது. ஃபைபர் இரத்த ஓட்டத்தில் சர்க்கரையை மெதுவாக வெளியிடுவதை உறுதி செய்கிறது. நீங்கள் அவற்றை சாலட் வடிவில் எடுத்துக்கொள்ளலாம்.

கிவி பழம்

கசப்பான மற்றும் சுவையான கிவி பழத்தில் வைட்டமின் ஏ மற்றும் சி போன்ற ஆன்டிஆக்ஸிடன்ட்கள் நிறைந்துள்ளன. கிவி சாப்பிடுவது குளுக்கோஸை மெதுவாக வெளியிட உதவுகிறது, மேலும் இது இரத்தத்தில் சர்க்கரை அளவு அதிகரிக்கும் அபாயத்தை தடுக்கிறது.

ஆப்பிள்

ஒரு நாளைக்கு ஒரு ஆப்பிள் நீரிழிவு கட்டுக்குள் வைத்திருக்கும அதிசயங்களைச் செய்யும். கரையக்கூடிய மற்றும் கரையாத நார்ச்சத்து இரண்டின் களஞ்சியமான ஆப்பிள்கள் உங்கள் இரத்த சர்க்கரை அளவைக் கட்டுப்படுத்தவும், ஏற்ற இறக்கங்களைத் தடுக்கவும் உதவும். ஆப்பிள்களை பச்சையாகவும் புதியதாகவும் சாப்பிடுவது நல்லது.

ஆரஞ்சு

அமெரிக்க நீரிழிவு சங்கம் நீரிழிவு நோய்க்கான சூப்பர்ஃபுட்களில் சிட்ரஸ் பழங்களை பட்டியலிட்டுள்ளது. அதன்படி, ஆரஞ்சு, திராட்சைப்பழம் மற்றும் எலுமிச்சை போன்ற சிட்ரஸ் பழங்களில் நார்ச்சத்து, வைட்டமின் சி, ஃபோலேட் மற்றும் பொட்டாசியம் நிறைந்துள்ளது, இது ஆரோக்கியமான நீரிழிவு உணவுத் திட்டத்திற்கு பயனளிக்கும்.

இந்த பழங்களை உங்கள் உணவில் சேர்த்து இயற்கையான முறையில் நீரிழிவு நோயை கட்டுப்படுத்தலாம். ஆனால், உங்கள் உணவில் எந்தப் பழத்தையும் சேர்க்கும் முன், உங்கள் நீரிழிவு மருத்துவரிடம் ஆலோசனை பெறவும். பழங்களில் உள்ள இயற்கை சர்க்கரைகள் சேர்க்கப்பட்ட சர்க்கரைகளை விட சிறந்ததாக இருக்கலாம், ஆனால் இவை சில சந்தர்ப்பங்களில் தீங்கு விளைவிக்கும். நிபுணரின் ஆலோசனையைப் பெற்று, உணவில் பெரிய மாற்றங்களைச் செய்வது நல்லது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“