scorecardresearch

இளநீர் – எலுமிச்சை ஜூஸ்… கோடையில் இவற்றை எப்படி எடுத்துக்கொள்வது?

Tamil Health Update : கோடை காலத்தில் இந்த இரண்டு பாணங்களில் எவற்றை அதிகமாக எடுத்துக்கொள்ள வேண்டும் என்பது பலருக்கும் சந்தேகமாக இருக்கும்.

Summer Drink Lemon Juice Vs Coconut Water : எலுமிச்சை ஜூஸ் மற்றும் இளநீர் இரண்டுமே உடலுக்கு நல்ல ஆரோக்கியத்தை கொடுக்கும பாணங்கள். உடலில் இருந்து சோர்வு மற்றும் பலவீனத்தை நீக்க கோடை காலத்தில், தேங்காய் தண்ணீர் மற்றும் எலுமிச்சை தண்ணீர் குடிக்க பரிந்துரைக்கப்படுகிறது. இவற்றை எடுத்தக்கொள்ளும்போது உடலுக்கு விரைவாக ஆற்றல் வழங்கி புத்துணர்ச்சியை தருகிறது.

மேலும் இளநீர் மற்றும் எலுமிச்சை ஜூஸ் உடலை ஈரப்பதத்துடன் வைத்திருக்க உதவுகிறது. ஆனால் கோடை காலத்தில் இந்த இரண்டு பாணங்களில் எவற்றை அதிகமாக எடுத்துக்கொள்ள வேண்டும் என்பது பலருக்கும் சந்தேகமாக இருக்கும்.

தேங்காய் தண்ணீர்

கோடையில், உடலை நீரேற்றமாக வைத்திருக்க இளநீர் சிறந்த பாணமாக உள்ளது. கோடை காலத்தின் முழுவதும் இளநீரை உட்கொள்வதன் மூலம், உடலின் நீர்ச்சத்து நிரப்பப்படுகிறது. இளநீரில் பொட்டாசியம், வைட்டமின் ஏ, வைட்டமின் பி, வைட்டமின் சி, இரும்பு மற்றும் சோடியம் அதிகளவில் உள்ளன.

இளநீர் உங்கள் தோல், முடி மற்றும் உங்கள் உடல் ஆரோக்கியத்திற்கும் நன்மை தரும். இளநீர் குடிப்பதால் உடலின் நோய் எதிர்ப்பு சக்தி அதிகரிக்கிறது. அதுமட்டுமின்றி உயர் ரத்த அழுத்தத்தை கட்டுக்குள் வைத்திருக்க உதவுகிறது. இதில் கொழுப்பு இல்லாமல் இருப்பால் இதயத்திற்கு நன்மை தருவதாக உள்ளது.

எலுமிச்சை ஜூஸ்

எலுமிச்சையில் இரும்புச்சத்து, வைட்டமின் பி, வைட்டமின் சி, பொட்டாசியம், நார்ச்சத்து, நீரிழிவு எதிர்ப்பு ஆன்டிஆக்ஸிடன்ட்கள் போன்ற சத்துக்கள் உள்ளன. ஊட்டச்சத்து நிபுணர்களின் கூற்றுப்படி, கோடையில் எலுமிச்சை ஜூஸ், குடிப்பது ஆரோக்கியத்திற்கு நன்மை தரும். ஆனால், எலுமிச்சைப் பழத்தில் சர்க்கரை சேர்க்கக் கூடாது.

கோடை காலத்தில், வீட்டில் சர்க்கரை அதிகம் சேர்த்து எலுமிச்சை ஜூஸ் செய்வார்கள். இந்த அளவுக்கு சர்க்கரையை அடிக்கடி உட்கொள்வது ஆரோக்கியத்திற்கு நல்லதல்ல. பழுப்பு மற்றும் வெள்ளை சர்க்கரை இரண்டும் உங்கள் ஆரோக்கியத்திற்கு தீங்கு விளைவிக்கும். எலுமிச்சை சாற்றை வழக்கமான ஒரு கிளாஸ் தண்ணீரில் கலந்து குடிக்கவும். இந்த தண்ணீரில், ஒரு சிட்டிகை உப்பு சேர்க்கலாம். இந்த முறையில் எடுத்துக்கொள்ளும்போது உடல் ஆரோக்கியத்திற்கு, நாள் முழுவதும் ஒரு எலுமிச்சை எடுத்துக்கொள்ள வேண்டும்.

கோடை காலததில் இரண்டுமே சிறந்ததா?

இளநீர் மற்றும் எலுமிச்சை ஜூஸ் இரண்டும் உங்கள் ஆரோக்கியத்திற்கு நல்லது. ஊட்டச்சத்து உள்ளடக்கத்தின் அடிப்படையில் இரண்டும் சமமானதுதான். இரண்டுமே கிட்டத்தட்ட ஒரே மாதிரியான பலன்களை வழங்குகின்றன.

இளநீர் மற்றும் எலுமிச்சை ஜூ இரண்டும் ஒரே மாதிரியாக உடலை ஹைட்ரேட் செய்கிறது. கோடை காலத்தில், இரண்டு பானங்களும் பொருத்தமானவை. உங்களுக்கு நீரிழிவு நோய் இருந்தால், இனிப்பு சேர்க்காத எலுமிச்சை நீரை குடிக்க வேண்டும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Lifestyle news download Indian Express Tamil App.

Web Title: Tamil health summer health drink coconut water vs lemon water