கொழுப்பை அதிகரிக்கும் சிப்ஸ், பீட்சா... அதற்கு பதிலா இதை சாப்பிடலாமே...

Tamil Lifestyle Update : நமது உடல் ஆரோக்கியமான இருப்பதற்கு சத்தான உணவுப்பொருட்களை எடுத்துக்கொள்ள வேண்டியது கட்டாயம். ஆனால் சில சமயங்களில் நாம் அதிக பசி உணரும்போது பேக் செய்யப்பட்ட சத்துக்கள் இல்லாத உணவுகளை எடுத்தக்கொள்ளும் நிலைக்கு ஆளாகி வருகிறோம். இந்த உணவுகள் அப்போதைக்கு பசியை தீர்த்து வைத்தாலும் உடலுக்கு எவ்வித ஆரோக்கியத்தையும் தரகூடியது அல்ல. மேலும் இந்த உணவுகளை எடுத்தக்கொள்ளும்போது உடல் ஒருவித மந்த நிலையை அடைந்தது போன்ற உணர்வு ஏற்படும்.

இத்தகைய உணவுகள் 'வெற்று கலோரிகள்' என்று அழைக்கப்படுகின்றன. இந்த உணவுகளில் ஆரோக்கியம் இல்லை. ஆனால் அதிக சர்க்கரை, கொழுப்பு அல்லது ஆல்கஹால் ஆகியவற்றை உள்ளடக்கியிருக்கும். இந்த உணவுகளை தொடர்ச்சியாக எடுத்துக்கொள்ளும்போது, உடல் எடை அதிகரிப்பு, வீக்கம் இருதய அமைப்பு, வாழ்க்கை முறை மற்றும் ஹார்மோன் கோளாறுகள் ஆகிய நோய்கள் ஏற்படும் அபாயம் அதிகரிக்கிறது,” என்று பாசிட்டிவ் ஈட்ஸ் ஊட்டச்சத்து நிபுணர் த்ரிஷா அகர்வால்.

வெற்று கலோரிகள் காணப்படும் உணவுகள் :

மஃபின்கள், கேக்குகள், பேஸ்ட்ரிகள் போன்ற கார்போஹைட்ரேட் அடிப்படையிலான இனிப்புகள்.

சோடா, ஆற்றல் பானங்கள், ஜூஸ் உள்ளிட்ட சர்க்கரை பானங்கள்.

மிட்டாய் பார்கள், சாக்லேட் பார்கள், கடினமான மிட்டாய்கள்.

பன்றி இறைச்சி, தொத்திறைச்சி, ஹாட் டாக் உள்ளிட்ட சில இறைச்சிகள்.

வெண்ணெய், ஐஸ்கிரீம் போன்ற சில முழு கொழுப்பு பொருட்கள்.

சோயாபீன், கனோலா எண்ணெய் போன்ற பதப்படுத்தப்பட்ட எண்ணெய்கள்.

கெட்ச்அப் மற்றும் பார்பிக்யூ சாஸ் போன்ற காண்டிமென்ட்கள்.

ஆல்கஹால் அடிப்படையிலான பானங்கள்.

பெரும்பாலான துரித உணவுகள் மற்றும் பர்கர்கள், சிப்ஸ், பீட்சாக்கள் போன்ற உணவுகளில் வெற்று கலோரிகள் அதிகம் காணப்படுகிறது.

இது குறித்து த்ரிஷா அகர்வால். வெளியிட்டுள்ள கருத்தின்படி, இந்த உணவுகள் அதிக நச்சுத்தன்மை கொண்ட சர்க்கரை மற்றும் கொழுப்புடன் நிரம்பியுள்ளன. மேலும் பொதிகள் மற்றும் டின்களில் வருகின்றன. இவற்றை சாப்பிடும்போது "இன்னும் கொஞ்சம் வேண்டும் என்ற மனநிலை பலருக்கும் ஏற்படும். கடைகளில் இருந்து வாங்கப்படும் உணவை நீங்கள் தொடர்ந்து உட்கொண்டால், எந்த உண்மையான அல்லது புதிய உணவும் சாதுவாகவும் சலிப்பாகவும் இருக்கும்.

ஆனால் ஆரோக்கியமற்ற உணவுப் பொருட்களை ஆரோக்கியமான மாற்றுகளுடன் எளிதாக மாற்றிக் கொள்ளலாம் என்றும், வெற்று கலோரிகளை ஆரோக்கியமானவற்றுடன் மாற்றுவது அவற்றைத் தவிர்ப்பதற்கான சிறந்த வழியாகும். என்றும் ஊட்டச்சத்து நிபுணர் கூறுகிறார்.

நீங்கள் என்ன செய்ய வேண்டும்?

இனிப்பான தயிரை சர்க்கரை இல்லாத தயிருடன் மாற்றிக் கொள்ளலாம்.

செயற்கையாக இனிப்பு செய்யப்பட்ட தானியத்தை சர்க்கரை இல்லாத மியூஸ்லிக்கு மாற்ற வேண்டும்.

குக்கீகளைத் தவிர்க்கலாம், அதற்குப் பதிலாக மினி பசையம் இல்லாத காக்ரா அல்லது தானியங்களை சிற்றுண்டிகளாக உட்கொள்ளலாம்.

வறுத்த கோழி இறைச்சியைத் தவிர்க்க வேண்டும், அதற்குப் பதிலாக க்ரில் அல்லது பேக் செய்யப்பட்ட சிக்கனைப் பயன்படுத்த வேண்டும்.

ஆல்கஹால் + மிக்சர்களை ஆல்கஹால் + சிறிதளவு சோடா (ஃபிஸ்ஸுக்கு) + தண்ணீருடன் மாற்ற வேண்டும்.

பார்பிக்யூ சாஸை ஸ்ரீராச்சா சாஸுடன் மாற்றிக் கொள்ளலாம்.

இது தொடர்பாக உங்கள் ஊட்டச்சத்து நிபுணரின் வழிகாட்டுதலை நீங்கள் பெற வேண்டும், இந்த வழிகாட்டுதல், நீங்கள் எடுத்துக்கொள்ள வேண்டிய உணவுகளை அடையாளம் காண உதவும். உங்களுக்காக ஒரு வைட்டமின் வழக்கத்தை நீங்கள் கடைப்பிடிக்க வேண்டும், உதாரணமாக, மெக்னீசியம் சாக்லேட், பசியை ஏற்படுத்துகிறது, ”என்று கூறியுள்ளார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil