பழைய கத்தியை இனி தூக்கி வீசாதீங்க: ஷார்ப்பா கூர்தீட்ட ஒரு காலி டீ கோப்பை போதும்!

சமையலறையில் நாம் எதிர்கொள்ளும் மிகவும் பொதுவான பிரச்சனைகளில் ஒன்று, கத்திகளை எப்படி கூர்மையாக வைத்திருப்பது என்பதுதான். காய்கறிகளை நறுக்குவதில் இருந்து மூலிகைகளை வெட்டுவது வரை, சமையலறை செயல்படக் கத்திகள் மிக முக்கியமான பகுதியாகும். கூர்மையான கத்தி ஒரு எளிதான கருவியாக இருக்கும்போது, மழுங்கிய கத்திகளால் வெட்டுவது சோர்வை அளிக்கும், மேலும் சில சமயங்களில் ஆபத்தாகவும் இருக்கும், ஏனெனில் நீங்கள் அதிக சக்தியைப் பயன்படுத்த வேண்டியிருக்கும்.

இந்த செய்தியை ஆங்கிலத்தில் படிக்க இங்கே க்ளிக் செய்யவும்:

உங்கள் கத்திக்கு கூர்மை தேவை என்று அறிவது எப்படி?

உங்கள் கத்தியைச் சோதிக்க, ஒரு வழவழப்பான மேற்பரப்பு கொண்ட உருண்டையான உணவைத் தேடுங்கள்: ஒரு தக்காளி, தோலுடன் கூடிய ஒரு வெங்காயம் அல்லது ஒரு ஆப்பிள். மிகக் குறைவான அழுத்தத்துடன் அதன் மேற்பரப்பை நீங்கள் எளிதாக வெட்ட முடிய வேண்டும். அப்போது கத்தி வழவழப்பான மேற்பரப்பில் இருந்து விலகிச் செல்லக் கூடாது. நீங்கள் அறுக்கும் போது அதிகமாக கஷ்டப்பட வேண்டியிருந்தால் அல்லது நுனியால் குத்தி பழத்தின் சதையைத் துளைக்க வேண்டியிருந்தால், உங்கள் கத்தி மிகவும் மழுங்கிவிட்டது என்று அர்த்தம். உங்கள் கத்தி கூர்மையாக இருந்தால், அது சுத்தமான வெட்டுக்களை உருவாக்க வேண்டும், அது உருண்டையான உணவை அதன் வடிவத்தை தக்கவைக்க அனுமதிக்கும்.

வீட்டிலேயே கத்தி முனைகளைக் கூர்மையாக்க சில எளிய வழிகள்:

செராமிக் குவளை (Ceramic mug): மெருகூட்டப்படாத, குவளையின் அடிப்பகுதிப் புறத்தில் கத்தியின் முனையைத் தேய்க்கவும். மழுங்கிய கத்திகளை கூர்மைப்படுத்த இது எளிதான வழிகளில் ஒன்றாகும்.

செய்தித்தாள் (Newspaper): கருப்பு மையுடன் கூடிய செய்தித்தாள் ஒரு பக்கம் உங்களுக்குத் தேவை. உங்கள் கத்தியை தட்டையாக வைத்துக்கொண்டு, செய்தித்தாள் மீது மெதுவாக சில முறை ஓட விடவும். இதை மெதுவாகவும் சீராகவும் செய்யவும். கறுப்பு மையில் உள்ள கார்பன் மற்றும் அதில் உள்ள கடினத் துகள்கள் ஒரு மெல்லிய பளபளப்பான பூச்சாக செயல்படுகின்றன, மேலும் கத்தியின் மீது கூர்மைப்படுத்தும் விளைவை ஏற்படுத்துகின்றன. பிறகு கத்தியை கழுவவும்.

கத்திகளை அதிக நாட்கள் கூர்மையாக வைத்திருக்க சில குறிப்புகள்:
கத்திகள் துருப்பிடிக்காமல் பாதுகாக்க, உடனடியாக உலர வைக்கவும். உலர்ந்த துண்டை எடுத்து கத்தியின் முனைக்குச் செங்குத்தாக ஓடவிடவும். கிரானைட், அலுமினியம் மற்றும் துருப்பிடிக்காத எஃகு போன்ற உலோக மேற்பரப்புகளை விட, மரம் அல்லது பிளாஸ்டிக் போன்ற வெட்டும் பலகை மேற்பரப்புகளைத் தேர்வு செய்யவும். கத்திகள் எப்போதும் மூடி வைக்கப்பட வேண்டும்.

கத்திகள் எப்போதும் கையால் கழுவப்பட வேண்டும், ஏனெனில் பாத்திரங்களைக் கழுவும் இயந்திரத்தின் சுழற்சி (wash cycle) கத்தி முனைக்கு சேதத்தை ஏற்படுத்தலாம் அல்லது சோப்புத் தூள் (detergent) தேய்க்கும் தன்மையுடன் இருக்கலாம்.