27 கிலோ வரை குறைத்த இளம் பெண்... 3 சீக்ரெட் டிப்ஸ்; அவங்களே சொன்னது!

எடை இழக்க வேண்டும் என்பது பலரின் கனவாக இருந்தாலும், அதை செயலாக்குவது ஒருபோதும் எளிதான காரியமல்ல. இது தன்னிலைபுத்திசாலித்தனத்தையும், ஒழுக்கத்தையும், நிலைத்த உழைப்பையும் தேவைப்படும் ஒரு பயணம். சீரான உடற்பயிற்சி, சத்தான உணவு, மனதார நம்பிக்கையும் இந்தப் பயணத்தில் முக்கிய பங்கு வகிக்கின்றன. எடை குறைக்கும் முயற்சியில் இருக்கும் அனைவருக்கும் ஊக்கமாக இருக்க, மருத்துவரும், சமூக ஊடகத்தில் எழுச்சி பெற்ற ஒரு வாழ்க்கை நெறிமுறை ஆலோசகருமான பாவனா ஆனந்த், தனது அனுபவத்தின் அடிப்படையில் சில முக்கியமான குறிப்புகளை சமீபத்தில் பகிர்ந்துள்ளார்.

பாவனா ஆனந்த் கடந்த மூன்று வருடங்களில் தன்னுடைய 27.4 கிலோ எடையை குறைத்துள்ளார். 2022 டிசம்பரில் 84 கிலோ எடையுடன் இருந்த அவர், 2025ல் 56.6 கிலோ எடைக்கு வந்துள்ளார். இது ஒரு திடமான மற்றும் நிலையான வாழ்க்கை மாறுதலின் விளைவாகும். இந்தச் சாத்தியமாகக்கூடிய, ஆனால் சவாலான மாற்றத்துக்குப் பின்னால் மூன்று முக்கியமான ஆரோக்கிய வாழ்வியல் பழக்கவழக்கங்கள் உள்ளன என்று அவர் கூறுகிறார்.

"இந்த மூன்று பழக்கவழக்கங்கள் என் வாழ்க்கையே மாற்றின," என்று அவர் தனது இன்ஸ்டாகிராம் பக்கத்தில் பகிர்ந்துள்ளார். "நான் எந்த பெரிய மாற்றத்தையும் ஒரே நாளில் செய்யவில்லை. ஒவ்வொரு நாளும் ஒரு சிறிய அடியாகவே நான் பார்த்தேன். தவறுகள் எதுவும் இல்லை, கடைசியில் சீரான முயற்சிகள்தான் வெற்றியை உருவாக்கின," என அவர் கூறுகிறார். பாவனா ஆனந்தின் இந்த பயணம், எடை குறைப்பதில் இலக்கை அடைய விரும்பும் அனைவருக்கும் ஒரு உண்மையான ஊக்கமாக இருக்கும்.

உடற்பயிற்சி

பாவனா ஆனந்த் தனது எடை இழப்பு பயணத்தின் போது பின்பற்றிய முக்கியமான வாழ்க்கைமுறை பழக்கங்களில் ஒன்று அதிக சுமையுடன் கூடிய எதிர்ப்பு உடற்பயிற்சி ஆகும். இதுவே அவரின் மாற்றத்தின் ஒரு முதன்மையான மூலக்கல்லாக இருந்தது என்று அவர் வலியுறுத்துகிறார். எதிர்ப்பு பயிற்சி மூலம் உடலில் மசிலிகள் உருவாகவும், மெட்டபாலிசம் அதிகரிக்கவும் உதவுகிறது. இதனால், உடல் அதிக கலோரி எரித்து, நீண்ட காலத்துக்குப் பராமரிக்கக்கூடிய எடை இழப்பை ஏற்படுத்துகிறது.

பாவனா, தனது உடற்பயிற்சிகளை முறையாகக் கண்காணிப்பதை ஒரு பழக்கமாக வைத்திருக்கிறார். "நான் எனது உடற்பயிற்சிகளைக் கண்காணிக்கிறேன், அது காலப்போக்கில் முன்னேற உதவுகிறது," என்று அவர் கூறுகிறார். தன்னுடைய பயிற்சிகள் எவ்வாறு மேம்படுகின்றன என்பதைப் பதிவு செய்வது, தொடர்ந்து முனைப்புடன் செயல்படவும், சோர்வின்றி இலக்கை நோக்கி நகரவும் உதவியுள்ளது. இது ஒரு நாளில் காணக்கூடிய மாயாஜாலமல்ல; தொடர்ந்து, ஒழுக்கமாக மேற்கொள்ளப்பட்ட பயிற்சி செயல்முறைகளால் மட்டுமே இவ்வாறு வியக்கத்தக்க மாற்றம் சாத்தியமானது என்பதை பாவனா ஆனந்தின் அனுபவம் தெளிவாக உணர்த்துகிறது.

புரதம் நிரம்பிய உணவுகள்

பாவனா ஆனந்த் தனது எடை குறைப்பு பயணத்தில் முக்கியமான மற்றொரு பழக்கமாக, தினமும் புரதம் நிறைந்த உணவுகளை உட்கொள்வதை உறுதி செய்தார். புரதம் என்பது தசை வளர்ச்சி, உடலின் மீட்பு செயல்முறைகள் மற்றும் ஒட்டுமொத்த ஊட்டச்சத்து சமநிலைக்கு மிக அவசியமான ஒரு உறுப்பு என அவர் வலியுறுத்துகிறார். சரியான அளவில் புரதம் சேர்க்கப்பட்ட உணவுகள், குறிப்பாக உடற்பயிற்சிகளுக்குப் பிறகு உடலை மீண்டும் கட்டமைக்கவும், சோர்வுகளை குறைக்கவும் பெரிதும் உதவுகின்றன. இது ஒரு நாள் மட்டுமல்ல, தினசரி நடைமுறையாக மாற்றப்பட வேண்டும் என அவர் அறிவுறுத்துகிறார்.

வாழும் முறையை ஒழுங்குபடுத்தும் வழக்கம்

பாவனா ஆனந்த் தனது கடைசி வாழ்க்கை முறை மாற்றமாக, ஒரு ஒழுங்கான நாளசைதியை (routine) கடைப்பிடிப்பதை தேர்ந்தெடுத்தார். "சீக்கிரம் தூங்குவது, இரவு உணவை விறைவாக முடிப்பது மற்றும் காலையில் சீக்கிரமே எழுவது என இந்த மூன்றும் என் வாழ்க்கையில் பெரிய மாற்றத்தை கொண்டு வந்தன," என அவர் கூறுகிறார். இவ்வாறு ஒரு நடைமுறை வழக்கத்தைக் கடைப்பிடிப்பது, அவரது உடலை ஒரு இயந்திரம் போல துல்லியமாக செயல்பட செய்யும் வகையில் இருந்தது. இது அவருக்கு தேவையான உடல் மீட்பையும் (recovery), சக்தியும் வழங்கியது என அவர் தெரிவித்தார்.

மேலும், பாவனா தனது பெண் பின்தொடர்பவர்களுக்காக 30 வயதிற்குப் பிறகு ஏற்படும் தசை இழப்பும், அதன் விளைவாகக் காணப்படும் ஆற்றல் குறைபாடும் பற்றி எடுத்துரைத்தார். “30க்கு பிறகு பெண்கள் தசைகளை இழக்க ஆரம்பிக்கிறோம்; 35க்கு பிறகு ஆற்றலும் குறைய ஆரம்பிக்கும். இது வேலைபளுவால் மட்டுமல்ல – இது ஹார்மோன்களின் மாற்றத்தின் விளைவாகவும் நடக்கும். தசை இழக்கும்போது, வளர்சிதை மாற்றமும் (metabolism) குறைகிறது. ஆனால் நல்ல செய்தி என்னவென்றால், வலிமை பயிற்சி, சீரான தூக்கம் மற்றும் புரதம் நிறைந்த உணவுகள் இவையெல்லாம் உங்கள் நம்பகமான சக்தி மூலங்கள். இந்த உடல் மாற்றங்களை ஏற்க வேண்டாம்; அதற்கு ஏற்றவாறு உங்கள் வாழ்க்கை முறையை மாற்றிக் கொள்ளுங்கள்,” என அவர் வலியுறுத்துகிறார்.

View this post on Instagram

A post shared by Dr Bhawana Anand (@dr.fitmum)

இந்த வழிகாட்டுதல்களின் மூலம், பாவனா ஆனந்த் ஒரே நேரத்தில் ஆரோக்கியத்தையும், தன்னம்பிக்கையையும் கட்டமைத்தவர் என்பது தெளிவாகிறது.