தியேட்டர் ஆர்டிஸ்ட் டூ சீரியல் நடிகை: நேகா கவுடா!

Tamil Serial News: சீரியல் நடிகைகள் பலர் நடிப்பினாலும், சமூக வலைதள படங்களாலும் ரசிகர்களிடையே நெருக்கமாவார்கள். அப்படியானவர் தான் நடிகை நேகா கவுடா.

டிரடிஷனல் லுக்கில் நேகா

கல்யாண பரிசு சீரியலில் முக்கியத்துவம் வாய்ந்த கதாபாத்திரத்தில் நடித்தார். இதற்கடுத்து லாக்டவுன் நேரத்தில் பல சீரியல்களில் கதாபாத்திரங்களில் மாற்றம் நிகழ்ந்தது. அப்போது சன் டிவி-யில் ஒளிபரப்பாகி வரும் ரோஜா சீரியலில் நடிக்கும் வாய்ப்பு வர அதனை கெட்டியாக பிடித்துக் கொண்டார் நேகா.

குழந்தைகளுடன் குழந்தையாக...

இவர் அடிப்படையில் பெங்களூரு பொண்ணு. இவருடைய அப்பா கன்னட சினிமாவில் மேக்கப் ஆர்டிஸ்ட் ஆக இருக்கிறார். நடிகர் கமல்ஹாசனின் மேக்கப் ஆர்டிஸ்ட் ஆகவும் வேலை செய்துள்ளார். அதுமட்டுமில்லாமல் சில படங்களில் குணச்சித்திர வேடங்களிலும் நடித்து இருக்கிறார். நேகாவுக்கு சின்ன வயதில் இருந்தே டான்ஸ் மீது அபார காதலாம். முறைப்படி வெஸ்டன் டான்ஸ் கற்றுக்கொண்டார்.

பத்தாம் வகுப்பு படிக்கும் போதே தியேட்டர் ஆர்ட்டிஸ்டாகவும் இருந்திருக்கிறார் நேகா. படித்து முடித்த பிறகு தான் சினிமாவில் நுழைய வேண்டும் என வீட்டில் சொல்ல, அதன்படி சமர்த்தாக படித்தாராம். பிகாம் படிப்பை முடித்த பிறகு நடிப்பு வேட்டையை தொடங்கியிருக்கிறார். 2013-ல் ஒரு கன்னட சீரியல் தான் நேகாவுக்கு நடிப்புலக கதவை திறந்திருக்கிறது. அதற்கு பிறகு தான் கல்யாண பரிசு சீரியலில் நடிக்க இவருக்கு வாய்ப்பு வந்ததாம்.

தனது கீழுதட்டுக்குக் கீழே இருக்கிற மச்சம் தான் நேகாவின் அழகு ரகசியமாம். நிறையப் பேர் அதைச் சொல்லி புகழ்வதால், அந்த மச்சத்தின் மீது நேகாவுக்கே ஒரு தனி பெருமையும் கர்வமும் உண்டாம். பொழுது போக்கு நேரங்களில் விதவிதமான படங்களை எடுத்து, இன்ஸ்டாகிராமில் பதிவிடுவது தான் நேகாவுக்கு மிகவும் பிடித்த விஷயமாம்.

“அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்”