தினசரி வருமானம் ஈட்ட வசதி : வீடியோக்களை வாங்க, விற்க புதிய செயலி : கோவை இளைஞர் அசத்தல்

கணிசமான வருவானத்தை ஈட்டும் வகையில் "ஜைனோ பிளிக்ஸ்" ("ZYNO FLIX")  எனும் புதிய செயலியை உருவாக்கிய கோவையை சேர்ந்த இளைஞர் அசத்தியுள்ளார்.

கல்வி மருத்துவம் சமையல் குறிப்புகள் குறும்படங்கள் என அனைத்து துறை சார்ந்த வீடியோக்களை சமூக வலைதளங்களில் வாங்குவது மற்றும் விற்பது தொடர்பாக புதிய செயலி அறிமுகம் செய்யப்பட்டுள்ளது. யூடியூப் - பேஸ்ஃபுக் - இண்ஸ்டாகிராம் - வாட்ஸ்அப் என பல்வேறு செயலிகளின் வாயிலாக வீடியோவை பதிவேற்றம் மற்றும் பதிவிறக்கம் செய்வது உலக அளவில் அதிகரித்து வருகின்றது.

இதே போல வீடியோக்களை பதிவேற்றம் செய்து அதில் கணிசமான வருவானத்தை ஈட்டும் வகையில் கோவையை சேர்ந்த உதயபிரகாஷ் எனும் இளைஞர் ("ZYNO FLIX") ஜைனோ பிளிக்ஸ் எனும் செயலியை உருவாக்கியுள்ளார். இதற்கான அறிமுக விழா கோவை ரேஸ்கோர்ஸ் பகுதியில் நடைபெற்றது. புதிய செயலியை அறிமுகம் செய்த இளைஞர் உதய் பிரகாஷ் செய்தியாளர்களை சந்தித்தார்.

அப்போது அவர் கூறுகையில்,

கடந்த ஒரு வருடமாக புதிய செயலியின் தொழில்நுட்ப ஆராய்ச்சியில் ஈடுபட்டதாகவும், தற்போது செயலியின் இறுதி வடிவத்தை உருவாக்கி அறிமுகம் செய்துள்ளதாக கூறினார். இதன் வாயிலாக தங்களுக்கு பிடித்த வீடியோக்களை யார் வேண்டுமானலும் இதில் பதிவேற்றம் செய்யலாம். அதேபோல் அந்த வீடியோக்களை, விற்கவும் மற்ற வீடியோக்களை வாங்கவும் வசதியாக உருவாக்கி உள்ளதாக கூறியுள்ளார்.

மேலும் இந்த வசதியின் காரணமாக இந்தய செயலியின் மூலம் கணிசமான வருமானத்தை தினமும் பெறும் வகையில் உருவாக்கப்பட்டுள்ளதாகவும், குறிப்பாக கல்வி -  மருத்துவம் - மற்றும் அழகு குறிப்புகள் - சமையல் குறிப்புகள்-குறும்படங்கள் என அனைத்து தகவல் சார்ந்த வீடியோக்களை இந்த செயலியில் பதிவேற்றம் செய்வதால் உலகின் எந்த பகுதியில் இருப்பவர்களும் இந்த வீடியோவை வாங்க முன் வருவதால் கணிசமான வருமானமும் இதில் கிடைக்க வாய்ப்புள்ளதாக நம்பிக்கை தெரிவித்தார்.

இணையத்தில் வீடியோக்களை எளிதாக வாங்க விற்க கோவையை சேர்ந்த இளைஞர் உருவாக்கிய இந்த புதிய செயலி அனைவரின் வரவேற்பை பெற்று வருவது குறிப்பிடதக்கது.

பி.ரஹ்மான் கோவை மாவட்டம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“