காசி கும்பமேளா விழா: தமிழகத்தில் இருந்து சிறப்பு சுற்றுலா ரயில் இயக்கம்!

உத்திர பிரதேசத்தில் உள்ள காசியில் 12 ஆண்டுகளுக்கு ஒருமுறை கும்பமேளா விழா நடைபெறும். அந்த வகையில், 2025-ம் ஆண்டு ஜனவரி 13 முதல் பிப்ரவரி 26 வரை கும்பமேளா விழா நடைபெற இருக்கிறது. இந்த விழாவில் காசி கங்கை நதியில் புனித நீராட பொதுமக்கள் விரும்புபவர். இந்த பயணிகளின் வசதிக்காக திருநெல்வேலியில் இருந்து தென்காசி, ராஜபாளையம், மதுரை, திருச்சி, தஞ்சாவூர் வழியாக காசிக்கு சுற்றுலா ரயில் இயக்க இந்திய ரயில்வே உணவு மற்றும் சுற்றுலா கழகம் ஏற்பாடு செய்துள்ளது.

அதன்படி சிறப்பு சுற்றுலா ரயில் திருநெல்வேலியில் இருந்து பிப்ரவரி 5 அன்று அதிகாலை 01.00 மணிக்கு புறப்பட்டு மதுரை வந்து, மதுரையிலிருந்து அன்றே காலை 6 மணிக்கு காசிக்கு புறப்படுகிறது. இந்த ரயில் பிப்ரவரி 7 அன்று மதியம் 12.30 மணிக்கு காசி பனாரஸ் சென்று சேருகிறது. அன்று மாலை கங்கா ஆரத்தி பார்த்து மறுநாள் முழுவதும் பிராக்யாராஜ் பகுதியில் சுற்றுலா செல்லுதல். பிப்ரவரி 9 அன்று காசி விஸ்வநாதர், விசாலாட்சி, காலபைரவர், சாரநாத் கோவில்களுக்கு சுற்றுலா செல்லுதல்.

பிப்ரவரி 10 அன்று அயோத்தியா சரயு நதி மற்றும் ராம ஜென்ம பூமி கோவிலில் வழிபாடு செய்து அன்று இரவு திருநெல்வேலிக்கு புறப்படும்படி சுற்றுலா ஏற்பாடு செய்யப்பட்டுள்ளது. இந்த சுற்றுலா ரயில் பிப்ரவரி 13 அன்று அதிகாலை 02.50 மணிக்கு மதுரை வந்து மீண்டும் புறப்பட்டு அன்று காலை 07.30 மணிக்கு திருநெல்வேலி சென்று சேரும். இந்த ரயில் தென்காசி, ராஜபாளையம், சிவகாசி, விருதுநகர், மதுரை, திண்டுக்கல், திருச்சி, தஞ்சாவூர், கும்பகோணம், மயிலாடுதுறை, சிதம்பரம், திருப்பாதிரிப்புலியூர், விழுப்புரம், செங்கல்பட்டு, தாம்பரம், சென்னை எழும்பூர் போன்ற ரயில் நிலையங்களில் நின்று செல்லும்.

இந்த 12 நாள் சுற்றுலாவுக்கு ரயில் பயண கட்டணம், தங்குமிடம், பயண வழிகாட்டி, பாதுகாப்பு அலுவலர், தென்னிந்திய உணவு வகைகள், உள்ளூர் சுற்றுலா போக்குவரத்து உட்பட குறைந்த கட்டணமாக நபர் ஒருவருக்கு ரூபாய் 26,850 வசூலிக்கப்படுகிறது. குளிர்சாதன ரயில் பெட்டி பயணம் மற்றும் உயர் சிறப்பு வசதிகளுக்கு கட்டணமாக நபர் ஒருவருக்கு ரூபாய் 38,470 மற்றும் 47900 வசூலிக்கப்படுகிறது. கட்டணத்திற்கு ஏற்ப ரயில் பயண வகுப்பு, தங்குமிடம், உள்ளூர் போக்குவரத்து வசதி ஆகியவை வழங்கப்படுகிறது. இந்த சுற்றுலா ரயிலுக்கு பயணச்சீட்டு பதிவு செய்ய 8287931977 மற்றும் 8287932122 என்ற அலைபேசி எண்களில் மதுரை அலுவலர்களை தொடர்பு கொள்ளலாம்.