வால்பாறை போறீங்களா? இந்த தேதி முதல் இ-பாஸ் கட்டாயம்!

வால்பாறைக்கு செல்ல நவம்பர் 1ம் தேதி முதல் இ-பாஸ் கட்டாயம். 
கோயம்புத்தூர் மாவட்டத்தின் பொள்ளாச்சி அடுத்த வால்பாறை பிரபல சுற்றுலா தளமாக உள்ளது. நவம்பர் 1ம் தேதி முதல் வால்பாறைக்கு செல்ல இ-பாஸ் கட்டாயமாக்கப்பட்டுள்ளதாக கோயம்புத்தூர் மாவட்ட ஆட்சியர் பவன்குமார் அறிவித்துள்ளார். 

இதுகுறித்து வெளியிடப்பட்டுள்ள அறிக்கையில், www.tnepass.tngov.in என்ற இணையதளத்தில் வால்பாறைக்கு செல்லும் அனைத்து வாகனங்களும் இ-பாஸ் பதிவு செய்து பெற்றுக் கொள்ளலாம், இதனை கண்காணிக்க ஆழியாறு மற்றும் மழுக்கு பாறை சோதனை சாவடிகளில் மாவட்ட நிர்வாகம் சார்பில் அதிகாரிகள் கண்காணிக்க உள்ளதாகவும் தெரிவித்துள்ளனர்.

மேலும் வால்பாறைக்கு பிளாஸ்டிக் பொருட்களை எடுத்துச் செல்லவும் பயன்படுத்தவும் தடை விதிக்கப்பட்டுள்ளதாகவும் குறிப்பிடப்பட்டுள்ளது.