காலையில் பிரஷ் பண்ணுறதை நீங்க தவிர்க்கணுமா? பல் மருத்துவர் சொல்வது என்ன?

மறதியால் அல்ல, மாறாக வேண்டுமென்றே பிரஷ் பண்ணாமல் உங்கள் நாளைத் தொடங்குவதை கற்பனை செய்து பாருங்கள்.

இதற்கு ஒரு காரணம் இருக்கிறது.

காலை உங்கள் வாயில் நிறைந்திருக்கும் வைட்டமின் பி 12 பல நன்மைகளை அளிக்கும்.

இன்ஸ்டாவில் கன்டென்ட் கிரியேட்டர் ஷேர் செய்த வீடியோவில், ’காலையில் பற்களை சுத்தம் செய்ய நான் பரிந்துரைக்கவில்லை, ஏனெனில் உங்கள் வாயில் பி12 சிறிதளவு உள்ளது, எனவே நீங்கள் எழுந்தவுடன் தண்ணீரைக் குடித்து பி12 பெறுவதற்கான நேரம் இது’, என்றார்.

இது ஓரல் கேவிட்டிக்கு சொந்தமான சில பாக்டீரியாக்கள், அதிகாலையில் பல் துலக்குவதன் மூலம் இதைக் கழுவினால், உடலில் வைட்டமின் பி12 குறைபாடு ஏற்பட்டு ஒட்டுமொத்த ஆரோக்கியத்தையும் பாதிக்கும் என்பது அறிவியல் முறையில் நிரூபணமாகாத ஒரு உண்மை, என்று டாக்டர் கமலேஷ் கோத்தாரி கூறினார். (a dental implantologist, cosmetic dentist maxillofacial surgeon, and the Director of Aesthetica Clinics)

அறிவியல் சான்று

டாக்டர் சாகீர் ஆசாஸ் (HOD, Dentistry at Paras Health, Gurugram) கருத்துப்படி, இந்த யோசனையை ஆதரிக்கும் அறிவியல் சான்றுகள் இல்லை. வாய்வழி பாக்டீரியா சில வைட்டமின் பி 12 ஐ உற்பத்தி செய்யும் போது, ​​ஒட்டுமொத்த பி 12 அளவுகளில் குறிப்பிடத்தக்க தாக்கத்தை ஏற்படுத்த இது போதுமானதாக இருக்காது.

நம் உடல் வைட்டமின் பி 12 ஐ உருவாக்காது, அது உணவு உட்கொள்ளல் அல்லது சப்ளிமெண்ட்ஸ் மூலம் எடுக்கப்பட வேண்டும். வைட்டமின் பி 12 பொதுவாக சிறுகுடலில் உறிஞ்சப்படுகிறது, வாயில் உள்ள சளி சவ்வுகள் மூலம் உறிஞ்சப்படுவது அல்லது B12-உற்பத்தி செய்யும் பாக்டீரியாவைக் கொண்ட உமிழ்நீரை விழுங்குவது ஒட்டுமொத்த B12 அளவுகளுக்கு பங்களிக்கும் என்பதற்கு உறுதியான ஆதாரம் இல்லை, இந்த கோட்பாடு வலுவான அறிவியல் சான்றுகளால் ஆதரிக்கப்படவில்லை, டாக்டர் கோத்தாரி விளக்கினார்.

வாய்வழி மற்றும் ஒட்டுமொத்த ஆரோக்கியத்தை பராமரிப்பதில் வைட்டமின் பி12 முக்கிய பங்கு வகிக்கிறது என்று டாக்டர் ஆசாஸ் கூறினார்.

வாய்வழி புண்களைத் தடுப்பது மற்றும் ஈறு ஆரோக்கியத்தை மேம்படுத்துவது முதல் நரம்பியல் செயல்பாடு மற்றும் இருதய ஆரோக்கியம் ஆகியவற்றை ஆதரிப்பது வரை அதன் நன்மைகள் ஏராளம்.  இது ரத்த அணுக்களை உருவாக்குவதற்கும், டிஎன்ஏவை உருவாக்குவதற்கும், வளர்சிதை மாற்றத்திற்கும் உதவுகிறது.

பல் ஆரோக்கியத்தில் ஏற்படும் விளைவுகள்

காலையில் பல் துலக்காமல் இருப்பது பிளேக் மற்றும் பாக்டீரியாக்களை உருவாக்க வழிவகுக்கும், இது கேவிட்டி, ஈறு நோய் மற்றும் வாய் துர்நாற்றம் போன்ற பிரச்சனைகளை ஏற்படுத்தும். வழக்கமான பிரஷிங் இந்த சிக்கல்களைத் தவிர்க்க உதவுகிறது.

உகந்த வாய் ஆரோக்கியத்தை பராமரிக்க வழக்கமான ஃபிளாசிங் மற்றும் பல் பரிசோதனைகளுடன் காலை மற்றும் இரவு இரு வேளைகளிலும் பல் துலக்குவது மிகவும் முக்கியம்.

B12 அளவுகளில், வாய்வழி பாக்டீரியாவின் தாக்கம் இன்னும் தொடர்ந்து ஆராய்ச்சியின் ஒரு பகுதியாகும், மேலும் தற்போதைய வாய்வழி சுகாதார பரிந்துரை என்னவென்றால், பல் சிதைவு மற்றும் ஈறு நோய்களைத் தடுக்க ஒருவர் தொடர்ந்து பல் துலக்க வேண்டும்.

அறிகுறிகள்

காலை பிரஷ் பண்ணும் வழக்கத்தை மாற்ற நீங்கள் முடிவு செய்தால், பிளேக் பில்டப், வாய் துர்நாற்றம் அல்லது உங்கள் வாயில் ஏதேனும் அசௌகரியம் போன்ற அறிகுறிகளைக் கண்காணிக்க டாக்டர் ஆசாஸ் பரிந்துரைத்தார்.

காலை பல் சுத்தம் செய்யும் வழக்கத்தை புறக்கணிப்பது வாய்வழி சுகாதார பிரச்சினைகளுக்கு வழிவகுக்கும். ஈறுகளில் ரத்தக்கசிவு, பற்களில் வலி, கேவிட்டிஸ், உணவுப் பற்களுக்கு இடையில் சிக்கிக்கொள்வது, வாய் துர்நாற்றம் மற்றும் பற்கள் ஆடுவது ஆகியவை கவனிக்கப்பட வேண்டிய சில அறிகுறிகளாக டாக்டர் கோத்தாரி கூறினார்.

தேவைப்படும்போது பல் மருத்துவரை நாடுதல் போன்ற உடனடி நடவடிக்கை, இந்தப் பிரச்சனைகளின் முன்னேற்றத்தைத் தடுக்கவும், உகந்த வாய்வழி ஆரோக்கியத்தை பராமரிக்கவும் உதவும், என்று அவர் பரிந்துரைத்தார்.

Read in English: Should you skip brushing in the morning?

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“