Thayir Vadai Video: டெல்லியின் ஸ்ட்ரீட் ஃபுட்களை யாராலும் வெறுக்க முடியாது. பல்லே பப்படம் முதல் அற்புதமான கோல் கெப்பே வரை, டெல்லியின் ஸ்ட்ரீட் ஃபுட்கள் அனைத்தும் நம்மை எச்சில் ஊற வைக்கும். ஆனால் இந்த பூட்டுதலில் மிகவும் மிஸ் பண்ணக் கூடிய விஷயமாகவும் உள்ளது. பொதுமுடக்க கட்டத்தில் பல உணவுக் கடைகள் திறந்திருந்தாலும், சுத்திகரிப்பு மற்றும் சுகாதார கவலைகளால் நம்மால் இந்த ஸ்ட்ரீட் உணவுகளை சுவைக்க முடியாமல் இருக்கிறது. இதற்கு என்ன வழி என யோசிக்கிறீர்களா? ஈஸியான சில உணவுகளை வீட்டிலேயே செய்து சாப்பிடலாம்.
சென்னைக்கு இன்று வயது 381: சில முக்கிய இடங்கள் இங்கே!
அந்த வகையில் செஃப் அமிர்தா ரைச்சந்த் சமீபத்தில் தயிர் வடை ரெசிப்பியை எளிய முறையில் செய்வது குறித்து இன்ஸ்டாகிராமில் பகிர்ந்துக் கொண்டார்.
தேவையானப் பொருட்கள்
வடைக்கு...
1 கப் - உளுந்து (2-3 மணி நேரம் தண்ணீரில் ஊற வைக்கவும்)
உப்பு - சுவைக்கேற்ப
ஒரு சிட்டிகை - சமையல் சோடா
எண்ணெய்
தயிர் கலவைக்கு
2 கப் - தயிர்
2 தேக்கரண்டி - சர்க்கரை
ஒரு சிட்டிகை - உப்பு
2 தேக்கரண்டி - சீரக தூள்
சிவப்பு மிளகாய் தூள் - சுவைக்கு ஏற்ப
1 டீஸ்பூன் - புளி தண்ணீர்
1 டீஸ்பூன் - புதினா சட்னி
நன்கு நறுக்கிய கொத்தமல்லி இலைகள்
செய்முறை
*ஊறவைத்த உளுந்தை நன்கு கழுவி தண்ணீரை வடிகட்டவும்.
* குறைந்த தண்ணீரைப் பயன்படுத்தி தடிமனான நிலைத்தன்மையைப் பெற மிக்சர்-கிரைண்டரில் அரைக்கவும்.
* உப்பு மற்றும் பேக்கிங் சோடா சேர்த்து நன்கு கலக்கவும்.
* உங்கள் உள்ளங்கைகளை ஈரமாக்கி, வடையை தட்டி உடனடியாக சூடான எண்ணெயில் போட்டு, மிதமான தீயில் பொரிக்கவும்.
* அவை பொன்னிறமாக மாறும் வரை காத்திருக்கவும். பின்னர் ஆறிய வடைகளை 10-15 நிமிடங்கள் குளிர்ந்த நீரில் ஊற வைக்கவும்.
* பிறகு அவற்றை தண்ணீரிலிருந்து அகற்றி, உங்கள் உள்ளங்கைகளில் வைத்து அழுத்தவும். இதனால் தண்ணீர் வெளியேற்றப்படும். நீங்கள் அவற்றை எப்போது சாப்பிட விரும்புகிறீர்கள் என்பதைப் பொறுத்து குளிர்சாதன பெட்டியில் அல்லது ஃப்ரீஸரில் வைத்து விடவும்.
* பரிமாறும் போது, ஒரு கிண்ணத்தில் தயிர், உப்பு, மற்ற உலர் மசாலா பொடிகளை சேர்க்கவும்.
* சர்க்கரை கரைந்து, அனைத்து மசாலாக்களும் தயிருடன் நன்கு கலக்கும் வரை நன்கு கலக்கவும்.
* இப்போது வடைகளை பரிமாறும் பாத்திரத்தில் வைக்கவும், தயிர் கலவையை அதன் மீது ஊற்றவும்.
* ஒரு கரண்டியால் கொஞ்சம் புளி மற்றும் மிண்ட் சட்னியைச் சேர்த்து, நறுக்கிய கொத்தமல்லி இலைகளால் அலங்கரித்து பரிமாறவும்.
“அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்”
Stay updated with the latest news headlines and all the latest Lifestyle news. Download Indian Express Tamil App - Android or iOS.