சமையல் சோடா, சலவை பவுடர் போதும்... அழுக்கடைந்த வெள்ளை சாக்ஸ்கள் ஜொலிக்கும்!

சிறுவர் மற்றும் பெரியவர்களின் வெள்ளைச் சாக்ஸ்கள் ஒருசில பயன்பாட்டிற்குப் பிறகு கறைகள் படிந்து, பழையதாகத் தோற்றமளிப்பதுண்டு. இயந்திரங்களில் துவைக்கப்பட்டாலும், சில சமயங்களில் கறைகள் முழுமையாக நீங்குவதில்லை. ஆனால், இதற்கு ஒரு எளிய மற்றும் பயனுள்ள தீர்வு உள்ளது.

சாக்ஸை ஈசியாக எப்படி துவைக்கலாம் என்று சபி விலாக்ஸ் யூடியூப் சேனலில் டிப்ஸ் கொடுக்கப்பட்டுள்ளது. ஒரு வாளியில் சிறிதளவு பாத்திரம் கழுவும் திரவம் (dishwashing liquid), ஒரு தேக்கரண்டி சமையல் சோடா (baking soda), ஒரு தேக்கரண்டி சலவை பவுடர் (detergent powder) ஆகியவற்றைச் சேர்க்க வேண்டும். பிறகு, அதில் வெதுவெதுப்பான நீரை ஊற்றி, அழுக்கடைந்த வெள்ளை சாக்ஸ்களை சுமார் 10 நிமிடங்கள் ஊற வைக்க வேண்டும். இந்த முறையின் சிறப்பு என்னவென்றால், 10 நிமிடங்களுக்குப் பிறகு சாக்ஸ்களை பிரஷ் கொண்டு தேய்க்க வேண்டிய அவசியமில்லை. கைகளால் மெதுவாகத் தேய்த்தாலே போதும், கறைகள் மற்றும் அழுக்குகள் எளிதாக நீங்கி, சாக்ஸ்கள் மீண்டும் புதிதாக ஜொலிக்கும்.

இந்த எளிய மற்றும் செலவு குறைந்த முறை, வாரந்தோறும் சாக்ஸ் துவைப்பவர்களுக்கு மிகவும் பயனுள்ளதாக இருக்கும். இனி, அழுக்கடைந்த வெள்ளைச் சாக்ஸ்களை தூக்கி எறியாமல், இந்த எளிய நுட்பத்தைப் பயன்படுத்திப் புதியது போல மாற்றலாம்.