இந்த 2 டிப்ஸ் போதும்… உடல் எடை நிச்சயம் குறையும்; டாக்டர் ஷர்மிகா

உடல் எடையைக் குறைக்க பல வழிகள் இருந்தாலும், அவற்றைச் சரியாகப் பின்பற்றுவது சவாலான காரியம். சிக்கலான உணவுப் பழக்கங்கள், கடினமான பயிற்சிகள் எனப் பலவற்றை ஒரே நேரத்தில் முயற்சி செய்து தோற்றுப்போனவர்கள் ஏராளம். ஆனால், ஆரோக்கியமான வாழ்க்கை என்பது 10 பின்பற்றுவது அல்ல, மாறாக எளிமையான 2 டிப்ஸ் கடைப்பிடிப்பதுதான் என்று டாக்டர் ஷர்மிகா கூறுகிறார்.

1.உடற்பயிற்சி & வைட்டமின் D: சுறுசுறுப்பாக இருப்பது மற்றும் போதுமான அளவு வைட்டமின் D பெறுவது எடை இழப்புக்கு அவசியம். வீதியில் திரியும் நாய் உணவு குறைவாகச் சாப்பிட்டாலும், தொடர்ந்து இயங்குவதாலும் சூரிய ஒளி படுவதாலும் ஒல்லியாக இருக்கிறது. ஆனால், செல்லப் பிராணிக்கு நிறைய புரத உணவுகள் கிடைத்தாலும், அதன் இயக்கமின்மை காரணமாக எடை கூடுகிறது என்று விளக்குகிறார் டாக்டர் ஷர்மிகா.

2.இரவு உணவை சீக்கிரமாக முடித்தல்: இரவு 6 மணிக்குள் இரவு உணவை முடித்துவிட வேண்டும். சூரியன் மறைந்த பின் சாப்பிடுவதைத் தவிர்க்க வேண்டும் என்றும், மாலை 6 முதல் அதிகாலை 6 மணி வரை உடல் கொழுப்பைக் குறைக்கும் ஆற்றலைக் கொண்டிருப்பதால், அந்த நேரம் விரதம் இருப்பதற்கு ஏற்றது என்றும் டாக்டர் ஷர்மிகா கூறுகிறார். இரவு 6 மணிக்கு மேல் சாப்பிட்டால், அது உணவுக்கட்டுப்பாடாக இருந்தாலும் எடை இழப்பு மெதுவாக நடைபெறும் என்கிறார்.

எனவே, உடல் எடையைக் குறைப்பது வாழ்வியல் முறை. அது பழகிப்போன சில பழக்கங்களை மாற்றுவதைப் பொறுத்தது. இந்த 2 எளிமையான பழக்கங்களையும் தொடர்ந்து பின்பற்றினால், ஆரோக்கியமான உடல் எடை நிச்சயம் கைகூடும்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.