இதயத் துடிப்பு மற்றும் ரத்த அழுத்தம் அதிகரிப்பு: குளிர்ந்த நீரில் குளிப்பது இதயத் துடிப்பையும் ரத்த அழுத்தத்தையும் வேகமாக அதிகரிக்கும் என்று டாக்டர் சிங்லா விளக்குகிறார். இது உயர் இரத்த அழுத்தம் அல்லது பலவீனமான இதயம் உள்ளவர்களுக்கு பிரச்னையாக இருக்கலாம். இந்த அதிகரித்த இதய அழுத்தம் மாரடைப்பு அல்லது சீரற்ற இதயத் துடிப்புக்கு வழிவகுக்கும்.
ரத்தக்குழாய் சுருக்கம்: டாக்டர் சிங்லா சுட்டிக்காட்டியபடி, குளிர்ச்சியான சூழலுக்கு உடல் இயற்கையாகவே ரத்த நாளங்களை சுருக்கி, உடல் வெப்பநிலையைப் பராமரிக்க முயற்சிக்கும். இதய நோய் உள்ளவர்களுக்கு, இந்த சுருக்கம் இதயம், மூளை போன்ற முக்கியமான பகுதிகளுக்கு ரத்த ஓட்டத்தைக் குறைக்கலாம். இதனால் மாரடைப்பு அல்லது பக்கவாதம் ஏற்படும் அபாயம் அதிகரிக்கும்.
இதயக் குழலிய அமைப்பில் ஏற்படும் அழுத்தம்: மும்பை, பரேலில் உள்ள கிளேனேகிள்ஸ் மருத்துவமனைகளின் உள் மருத்துவத் துறையின் மூத்த ஆலோசகர் டாக்டர் மஞ்சுஷா அகர்வால் கூறியவை; குளிர்ந்த நீர் குளியலால் ஏற்படும் கூடுதல் இதய அழுத்தம், ஏற்கனவே இதய நோய்கள் உள்ளவர்களுக்கு மிகவும் அதிகமாக இருக்கலாம். இந்த அழுத்தம் மூச்சுத் திணறல், நெஞ்சு வலி அல்லது மாரடைப்பு கூட ஏற்பட வழிவகுக்கும்.
இதய நோயாளிகளுக்கான மாற்று அணுகுமுறைகள் என்னென்ன?
இதயப் பிரச்சனைகள் உள்ளவர்களுக்குக் குளிர்ந்த நீர் குளியலுக்குப் பாதுகாப்பான மாற்றுகளை டாக்டர் சிங்லா பரிந்துரைக்கிறார்:
வெதுவெதுப்பான நீர் குளியல்: டாக்டர் சிங்லாவின் கூற்றுப்படி, வெதுவெதுப்பான நீர் இதயத்திற்கு அதிக அழுத்தம் கொடுக்காமல் ரத்த ஓட்டத்தைத் தூண்டும். இந்த முறை தசைகளைத் தணிக்கவும், மனத் தெளிவை மேம்படுத்தவும் பயனுள்ளதாக இருக்கும், மேலும் குளிர்ந்த நீருடன் தொடர்புடைய அபாயங்கள் இதில் இல்லை.
மாறுபட்ட நீர் குளியல்: வெதுவெதுப்பான மற்றும் குளிர்ந்த நீரை மாறி மாறிப் பயன்படுத்தும் மாறுபட்ட நீர் குளியலை டாக்டர் சிங்லா பரிந்துரைக்கிறார். இந்த முறை ரத்த ஓட்டத்தை மேம்படுத்த உதவும். இருப்பினும், இதயப் பிரச்னைகள் உள்ளவர்கள் இதை முயற்சிக்கும் முன் தங்கள் மருத்துவரிடம் கலந்தாலோசிக்க வேண்டும்.
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/05/28/pC3kg7bKeV9za0SNNOst.jpg)
/indian-express-tamil/media/post_attachments/2024/09/heart_d30473-446665.jpg)