நாம் தினமும் யூஸ் பண்ணும் இந்த பொருள் போதும்… பழுப்பாக மாறிய வெள்ளைச் சட்டை புதுசாக மாறும்!

நமது துணிகளை வாஷிங் மெஷினில் துவைப்பது எளிதாக இருந்தாலும், சில துணிகளை, குறிப்பாக வெள்ளை நிற ஆடைகள் மற்றும் குழந்தைகளின் யூனிஃபார்ம்களைக் கையால் துவைக்க வேண்டியது அவசியம். வெள்ளை துணிகள் எவ்வளவுதான் கவனமாக துவைத்தாலும், நாளடைவில் அவை பழுப்பு நிறமாக மாறிவிடுகின்றன.

இவ்வாறு நிறம் மாறிய துணிகளை மீண்டும் வெண்மையாக்குவது சவாலானது என்பதால், பல சமயங்களில் நாம் புதிய ஆடைகளை வாங்க நேரிடுகிறது. ஆனால் இனி கவலை வேண்டாம்! உங்கள் வெள்ளை துணிகளில் உள்ள அழுக்குகளை நீக்கி, பழுப்பு நிறத்தையும் அகற்றும் ஒரு எளிமையான வழி இங்கே உள்ளது.

தேவையான பொருட்கள்:

• வெதுவெதுப்பான தண்ணீர்

• சோப்பு பவுடர் அல்லது லிக்விட்

• ஒரு ஸ்பூன் டூத் பேஸ்ட்

துவைக்கும் முறை:

முதலில், ஒரு பக்கெட்டில் துணிகளை ஊறவைக்கத் தேவையான அளவு வெதுவெதுப்பான தண்ணீரை எடுத்துக்கொள்ளுங்கள். அந்த நீரில் சோப்பு பவுடர் அல்லது லிக்விட் சேர்க்கவும்.

இப்போது, நாம் பற்களைத் துலக்கப் பயன்படுத்தும் டூத் பேஸ்ட்டை ஒரு ஸ்பூன் எடுத்து, தண்ணீரில் சேர்த்து நன்றாகக் கலக்கவும். நீங்கள் துவைக்க எடுத்து வைத்துள்ள வெள்ளை துணிகளை இந்த தண்ணீரில் 10 முதல் 15 நிமிடங்கள் வரை ஊறவைக்கவும்.

துணிகள் நன்றாக ஊறியதும், அவற்றை வெளியே எடுத்து, தண்ணீரை நன்கு பிழியவும். இறுதியாக, அந்தத் துணிகளை வாஷிங் மெஷினில் போட்டு துவைத்தால், கறைகள் நீங்கி, துணிகள் பளீர் என வெண்மையாக மாறிவிடும்.

டூத் பேஸ்ட், துணிகளில் உள்ள கறைகளையும், படிந்திருக்கும் பழுப்பு நிறத்தையும் எளிதாக நீக்கிவிடும். இந்தக் கை நுட்பத்தை நீங்கள் கையால் துவைக்கும் போதும் பயன்படுத்தலாம். துணிகளை ஊறவைத்து, லேசாக சோப்பு போட்டாலே போதும், உங்கள் வெள்ளை துணிகள் எப்போதும் புதிது போல மின்னும்.