உங்க ஆயுள் அதிகரிக்கும்... காலையில் எழுந்ததும் இத செய்தால் மேஜிக் நடக்கும்!

நமது தினசரி வாழ்வில் நாம் செய்யும் சில எளிய செயல்கள், நமது ஒட்டுமொத்த உடல் மற்றும் மன ஆரோக்கியத்திற்கு மிகப்பெரிய பங்களிப்பை அளிக்கின்றன. இந்த பழக்கவழக்கங்கள் வாழ்க்கை முறையைப் பெரிய அளவில் மாற்றியமைக்காமல், எளிமையாக பின்பற்றக்கூடியவை.

டிப்ஸ் 1: தினசரி காலையில், வெறும் வயிற்றில் நடப்பது ஒரு சிறந்த தொடக்கம். இது உடலில் சேமிக்கப்பட்ட கொழுப்பைக் கரைத்து ஆற்றலாக மாற்ற உதவுகிறது. மேலும், சூரிய ஒளி படும்போது உடலுக்குத் தேவையான வைட்டமின் D கிடைக்கிறது. இது மனநிலையை மேம்படுத்துவதோடு, இரவு ஆழ்ந்த உறக்கத்திற்கும் உதவுகிறது.

டிப்ஸ் 2: உணவுமுறையில் பெரிய மாற்றங்களை செய்யாமல், உணவு உண்ணும் நேரத்தை ஒழுங்குபடுத்துவது முக்கியம். இரவில் 8 மணிக்குள் இரவு உணவை முடித்து, காலை உணவிற்கும் இரவு உணவிற்கும் இடையே 12 மணி நேர இடைவெளி விடுவது செரிமான மண்டலத்திற்கு ஓய்வு அளித்து, உடலில் உள்ள நச்சுக்களை வெளியேற்ற உதவுகிறது. இது உடல் ஆரோக்கியத்தை மேம்படுத்தும்.

டிப்ஸ் 3: நார்வே ஆய்வுகளின்படி, நமது உணவில் கீரைகள் மற்றும் பச்சை காய்கறிகளை அதிகம் சேர்ப்பது ஆயுளை அதிகரிக்கும். குறிப்பாக புரோக்கோலி, முட்டைக்கோசு, பசலைக்கீரை போன்றவற்றை உணவில் சேர்த்துக்கொள்வது மூளையை சுறுசுறுப்பாக வைத்திருக்க உதவுகிறது. மேலும், நொறுக்குத் தீனிகளுக்கு பதிலாக கொட்டை வகைகளை (nuts) தேர்ந்தெடுப்பது உடலுக்கு ஆரோக்கியம் சேர்க்கும்.

டிப்ஸ் 4: சுறுசுறுப்பாக இயங்குவது என்பது உடற்பயிற்சிக் கூடத்திற்கு செல்வது மட்டும் அல்ல, அது அன்றாட வாழ்வின் ஒரு பகுதியாக இருக்க வேண்டும். ஒரு மணி நேரத்திற்கு மேல் ஒரே இடத்தில் அமராமல், அவ்வப்போது எழுந்து நடப்பது, லிப்டுக்குப் பதிலாக படிகளைப் பயன்படுத்துவது போன்ற சிறிய செயல்கள் இதய ஆரோக்கியத்தை மேம்படுத்தும்.

டிப்ஸ் 5: தொலைபேசியை தவிர்த்து, மூளைக்கு வேலை கொடுப்பது நினைவாற்றல் குறைபாட்டைத் தடுக்கும். மேலும், தினசரி 2 மணி நேரத்திற்கும் மேல் தொலைக்காட்சி பார்ப்பதைத் தவிர்ப்பது தேவையற்ற கலோரிகள் சேருவதைக் குறைக்கும்.

டிப்ஸ் 6: போதுமான தூக்கம் (6-8 மணி நேரம்), வீட்டு வேலைகளைச் செய்வது, குடும்பத்தினருடன் பேசிப் பழகுவது, வீட்டில் உள்ள பெரியவர்களையும், குழந்தைகளையும் கவனிப்பது போன்ற பழக்கங்களும் மன ஆரோக்கியத்திற்கு அவசியம். இந்த சிறிய மாற்றங்கள், பெரிய நோய்களைத் தடுத்து, நீண்ட ஆயுளையும், ஆரோக்கியத்தையும் அளிக்கின்றன. இவை அனைத்தையும் பழக்கப்படுத்திக்கொள்வது ஆரோக்கியமான வாழ்விற்கு அடித்தளமிடும்.