காலத்திற்கு ஏற்றால் போல் உணவு பழக்கத்தையும் மாற்றுங்கள்!
உணவுகளை பொருத்தவரை அந்தந்த பருவத்திற்கு ஏற்றவாறு சாப்பிட வேண்டும். அப்படியாக சாப்பிடும்போதுதான் உடல் எடை குறைவதோடு ஆரோக்கியமாகவும் இருக்க முடியும்.
இப்போது உங்களுக்காக...
ஸ்நாக்ஸ்:
நெருப்பில் சுட்டு மக்கா சோளத்தை சாப்பிடலாம். அதில் லேசாக வெண்ணெய் தடவி நெருப்பில் வேகவைத்து சாப்பிடலாம்.
நீர்ச்சத்து:
கோடைக்காலத்தில் உடலில் நீரிழப்பு ஏற்படும். எனவே அடிக்கடி தண்ணீர் குடித்து கொண்டே இருக்க வேண்டும். தண்ணீர், பழச்சாறுகள், ஹெர்பல் டீ போன்றவற்றை அடிக்கடி குடிப்பதால் உடலில் நீரிழப்பு ஏற்படாமல் இருக்கும்.
பழங்கள்:
நாவற்பழம், லிச்சி, ப்ளம்ஸ், மாதுளை, ஸ்ட்ராபெர்ரி முலாம்பழம் போன்ற பழங்களில் நார்ச்சத்து அதிகமாக இருக்கிறது. இவற்றை சாப்பிடுவதால் உடல் எடை குறைகிறது. மேலும் ஆண்டிஆக்ஸிடண்ட் நிறைந்த பழங்களை சாப்பிடுவதால் உடலில் நோய் எதிர்ப்பு சக்தி அதிகரிக்கிறது.
மசாலா டீ:
மிளகு, இஞ்சி, பட்டை, கிராம்பு ஆகிய மசாலா பொருட்கள் சேர்த்து செய்யப்படும் மசாலா டீயில் ஆண்டிஆக்ஸிடண்ட் இருப்பதால் இதனை அடிக்கடி குடிக்கலாம். பால் மற்றும் சர்க்கரை சேர்க்காதவர்கள் என்றால் இந்த மசாலா டீயை தாராளமாக குடிக்கலாம்.
சூப்:
சூப்பில் கலோரிகள் குறைவு என்பதால் இதனை அடிக்கடி குடிக்கலாம். நோய் எதிர்ப்பு சக்தியை அதிகரிக்கவும், உடலுக்கு ஊட்டச்சத்துக்கள் கிடைக்கவும், உடல் எடை குறைக்கவும் சூப் குடிக்கலாம்.