திருப்பதி தரிசன டிக்கெட்கள் திறப்பு; ஆன்லைனில் புக்கிங் செய்வது எப்படி?

Tirumala Tirupati Devasthanam entry bookings | திருப்பதி தரிசன டிக்கெட்டுகள் இன்று திறக்கப்பட்டன. ஆன்லைனில் புக்கிங் செய்வது எப்படி என்பது குறித்து இங்கு பார்க்கலாம்.
திருமலை திருப்பதி தேவஸ்தானம் ஜூலை மாத முன்பதிவு மற்றும் திருமலை மற்றும் திருப்பதிக்கான அறை ஒதுக்கீட்டை புதன்கிழமை (24ஆம் தேதி)ஆன்லைனில் வெளியிட்டது.

திருமலை திருப்பதி தேவஸ்தானம் (TTD) ஜூலை மாதம் ரூ. 300 விலையில் சிறப்பு நுழைவு தரிசன டிக்கெட்டுகளுக்கான முன்பதிவுகளை ஏப்ரல் 24 புதன்கிழமை தொடங்கியது.
முன்பதிவு புக்கிங் டிக்கெட்டுகள் காலை 10 மணிக்கு திறக்கப்பட்டன. மேலும், திருமலை மற்றும் திருப்பதியில் ஜூலை மாதத்திற்கான அறை ஒதுக்கீடு மாலை 3 மணிக்கு ஆன்லைனில் வெளியிடப்பட்டது. 

திருமலை திருப்பதி தேவஸ்தானங்கள் சமீபத்தில் ஸ்ரீவாரி ஆர்ஜித சேவை டிக்கெட்டுகள், கல்யாணோத்ஸவம், ஊஞ்சல் சேவை, ஆர்ஜித பிரம்மோத்ஸவம், சஹஸ்ரதிபாலங்கரா சேவை டிக்கெட்டுகள், மெய்நிகர் சேவைகள் மற்றும் அவற்றின் தரிசன இடங்கள் போன்ற பல்வேறு சேவைகள் உட்பட, ஜூலை மாதத்திற்கான பிற டிக்கெட் ஒதுக்கீட்டை வெளியிட்டது.

இதில், அங்கபிரதக்ஷிணம் டோக்கன்கள் மற்றும் ஸ்ரீவாணி டிரஸ்ட் டிக்கெட்டுகளும் கிடைக்கும். இதுதவிர, முதியவர்கள், மாற்றுத்திறனாளிகள் மற்றும் தீராத நோய்வாய்ப்பட்ட நபர்கள் திருமலை ஸ்ரீவரை தரிசிக்க இலவச சிறப்பு தரிசன டோக்கன்களும் கிடைக்கும்.

ஏப்ரல் 27 ஆம் தேதி, ஸ்ரீவாரி சேவை, நவநீத சேவை மற்றும் பரகாமணி சேவை ஆகியவை முறையே காலை 11, மதியம் 12 மற்றும் மதியம் 1 மணிக்கு ஆன்லைனில் வெளியிடப்பட்டது.
டிக்கெட் முன்பதிவு செய்ய, பக்தர்கள் ttps://ttdevasthanams.ap.gov.in/ என்ற இணையதளத்தில் அவர்களின் மொபைல் எண் மற்றும் பிற தேவையான விவரங்களைப் பயன்படுத்தி பதிவு செய்ய வேண்டும்.

பதிவு செய்தவுடன், அவர்கள் உள்நுழைந்து தங்களுக்கு தேவையான டிக்கெட்டுகளை முன்பதிவு செய்ய கூடுதல் விவரங்களை அளிக்கலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“