திருப்பதி தரிசனம்: அக்டோபர் மாதத்திற்கான டிக்கெட் முன்பதிவு விவரங்கள் வெளியீடு!

திருமலை திருப்பதி தேவஸ்தானம் (TTD) அக்டோபர் மாதத்திற்கான தரிசனம் மற்றும் தங்குமிட டிக்கெட்டுகளின் ஆன்லைன் ஒதுக்கீடு அட்டவணையை வெளியிட்டுள்ளது. பக்தர்கள் இந்த வாய்ப்பைப் பயன்படுத்தி ஏழுமலையானை தரிசிக்க திட்டமிட்டுக் கொள்ளலாம்.

முன்பதிவு அட்டவணை:

அர்ஜித சேவை டிக்கெட்டுகள்: அக்டோபர் மாதத்திற்கான அர்ஜித சேவை டிக்கெட்டுகள் ஜூலை 19 அன்று காலை 10 மணிக்கு ஆன்லைனில் வெளியிடப்படும். பக்தர்கள் ஜூலை 21 காலை 10 மணி வரை எலக்ட்ரானிக் டிராவுக்காகப் பதிவு செய்யலாம். குலுக்கல் மூலம் டிக்கெட் பெற்றவர்கள் ஜூலை 21 முதல் ஜூலை 23 மதியம் 12 மணிக்குள் கட்டணத்தைச் செலுத்த வேண்டும்.

இதர அர்ஜித சேவை டிக்கெட்டுகள்: கல்யாணோத்சவம், ஊஞ்சல் சேவை, அர்ஜித பிரம்மோற்சவம், சகஸ்ர தீபஅலங்கார சேவை மற்றும் வருடாந்திர புஷ்பயாகம் டிக்கெட்டுகள் ஜூலை 22 அன்று காலை 10 மணிக்கு வெளியிடப்படும்.

மெய்நிகர் சேவை டிக்கெட்டுகள்: அக்டோபர் மாதத்திற்கான மெய்நிகர் சேவை டிக்கெட்டுகள் மற்றும் அதனுடன் தொடர்புடைய தரிசன ஸ்லாட்கள் ஜூலை 22 அன்று பிற்பகல் 3 மணிக்கு வெளியிடப்படும்.

அங்கபிரதட்சணம் டோக்கன்கள்: அங்கபிரதட்சணம் டோக்கன்கள் ஜூலை 23-ம் தேதி காலை 10 மணிக்கு ஆன்லைனில் கிடைக்கும்.

ஸ்ரீவாணி அறக்கட்டளை டிக்கெட்டுகள்: ஸ்ரீவாணி அறக்கட்டளை டிக்கெட்டுகளுக்கான ஆன்லைன் ஒதுக்கீடு ஜூலை 23-ம் தேதி காலை 11 மணிக்கு வெளியிடப்படும்.

மூத்த குடிமக்கள், மாற்றுத்திறனாளிகள் மற்றும் நாள்பட்ட நோயாளிகளுக்கான டிக்கெட்டுகள்: இவர்களுக்கான சிறப்பு இலவச தரிசன டோக்கன்கள் ஜூலை 23 அன்று பிற்பகல் 3 மணிக்கு TTD ஆன்லைனில் வெளியிடும்.

ரூ.300 சிறப்பு நுழைவு தரிசன டிக்கெட்டுகள்: சிறப்பு நுழைவு தரிசன டிக்கெட்டுகள் ஜூலை 24-ம் தேதி காலை 10 மணிக்கு வெளியிடப்படும்.

தங்குமிட ஒதுக்கீடு: திருமலை மற்றும் திருப்பதியில் உள்ள அறைகளுக்கான ஒதுக்கீடு ஜூலை 24-ம் தேதி பிற்பகல் 3 மணிக்கு ஆன்லைனில் வெளியிடப்படும்.

பக்தர்கள் தங்கள் தரிசனம் மற்றும் சேவை டிக்கெட்டுகளை TTD-ன் அதிகாரப்பூர்வ வலைத்தளம் மூலம் மட்டுமே முன்பதிவு செய்யுமாறு கேட்டுக் கொள்ளப்படுகிறார்கள்.” என்று அறிவிக்கப்பட்டுள்ளது.