scorecardresearch

ஈறுகளில் ரத்தக் கசிவு… கற்றாழை ஜெல், கிராம்பு எண்ணெய் இப்படி யூஸ் பண்ணுங்க

ஈறுகளில் இரத்தப்போக்கு மற்றும் வீக்கத்தைத் தடுக்க உதவும் சில வீட்டு வைத்தியங்கள்

ஈறுகளில் ரத்தக் கசிவு… கற்றாழை ஜெல், கிராம்பு எண்ணெய் இப்படி யூஸ் பண்ணுங்க
Bleeding gums home remedies

பலருக்கு அவ்வப்போது ஈறுகளில் இரத்தக்கசிவு ஏற்படுகிறது. சில நேரங்களில் அது வலிமிகுந்ததாக இருக்கும். மற்ற நேரங்களில், இது மருத்துவ கவனிப்பு தேவைப்படும் சில அடிப்படை வாய்வழி சுகாதார நிலையை குறிக்கலாம். உங்கள் பற்களைப் பராமரிப்பது முக்கியம் என்றாலும், ஈறுகளைப் பராமரிப்பதன் முக்கியத்துவத்தை பலர் மறந்துவிடுகிறார்கள், இது உங்கள் வாய்வழி சுகாதார வழக்கத்தின் முக்கிய பகுதியாகும்.

நீங்கள் பல் துலக்கும்போது உங்கள் ஈறுகளில் இரத்தம் வந்தால், நீங்கள் ஈறு அழற்சியின் (gingivitis) லேசான நோயால் பாதிக்கப்பட்டிருக்கலாம். ஈறுகளில் இரத்தக்கசிவு மிகவும் பொதுவானது. சிறந்த சிகிச்சையைப் பற்றி உங்களுக்கு ஆலோசனை வழங்கும் உங்கள் பல் மருத்துவரை எப்போதும் சந்திப்பதே சிறந்த பரிந்துரையாகும்.

இருப்பினும், ஈறுகளில் இரத்தப்போக்கு மற்றும் வீக்கத்தைத் தடுக்க உதவும் சில வீட்டு வைத்தியங்கள் உள்ளன.

கிராம்பு எண்ணெய்

கிராம்பு, ஈறுகளின் வீக்கத்தைக் குறைக்கவும், இரத்தக் கசிவை நிறுத்தவும் உதவுகிறது. சிறிது கிராம்பு எண்ணெயை எடுத்து உங்கள் ஈறுகளில் நேரடியாக தேய்க்கவும் அல்லது 1-2 கிராம்புகளை மெல்லவும். நீங்கள் லேசான எரியும் உணர்வை உணரலாம், ஆனால் அது வீக்கத்தைக் குறைக்க உதவும்.

கற்றாழை

கற்றாழை பல சிகிச்சைப் பண்புகளைக் கொண்டுள்ளது அதில் ஒன்று ஈறு அழற்சியைக் குறைப்பதாகும். சிறிதளவு கற்றாழை கூழ் எடுத்து ஈறுகளில் மசாஜ் செய்யவும். கூழ் நன்றாக ஈறுகளில் உறிஞ்சிய பிறகு வாயை கழுவவும். இயற்கையான கற்றாழை ஜெல் உள்ள திரவங்களை உட்கொள்வதன் மூலம் லேசான ஈறு நோய்களைக் கவனித்துக்கொள்ளலாம்.

வைட்டமின் சி

நெல்லிக்காய் மற்றும் எலுமிச்சை வைட்டமின் சி நிறைந்த ஆதாரங்கள், இவை ஈறுகளின் வீக்கத்தைக் குறைக்க உதவுகிறது. ஒவ்வொரு நாளும் அரை நெல்லிக்காய் அல்லது எலுமிச்சையை உட்கொள்வது வைட்டமின் சி குறைபாட்டை தடுப்பதில் நன்மை பயக்கும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Lifestyle news download Indian Express Tamil App.

Web Title: Tooth cavity bleeding gums home remedies tooth decay