முடி தரையை தட்டும்... இந்த ஆயில் கொஞ்சம் தடவிப் பாருங்க!

ஜோஜோபா ஆயில் இயற்கையான எண்ணெய். இது வறண்ட கூந்தலுக்கு ஈரப்பதத்தை அளித்து ஆரோக்கியமாக வைக்க உதவுகிறது. இந்த எண்ணெயில் வைட்டமின் E, வைட்டமின் B சத்துக்கள் நிறைந்துள்ளதால், இது முடியின் வேர்களை வலுப்படுத்துகிறது. இதன் மூலம் முடி வளர்ச்சி தூண்டப்படுகிறது.

ஆர்கான் ஆயில்

ஆர்கான் ஆயில், ஜோஜோபா ஆயிலை விட அடர்த்தியானது. இதில் அதிகளவில் ஆன்டி ஆக்சிடென்ட்டுகளும், கொழுப்பு அமிலங்களும் இருப்பதால், முடிக்கு நல்ல பளபளப்பைக் கொடுக்கிறது. முடி உடைதல், பொலிவின்மை, அல்லது அரிப்பு போன்ற பிரச்னைகள் இருந்தால், ஆர்கான் ஆயில் பயன்படுத்துவது சிறந்த தீர்வாக இருக்கும். இது முடியை ஆரோக்கியமாக வைத்துக்கொள்ள உதவுகிறது.

எண்ணெய்களைப் பயன்படுத்தும் முறை

ஜோஜோபா ஆயில்: இது மென்மையான எண்ணெய் என்பதால், தினமும் பயன்படுத்தலாம். ஷாம்பூவுடன் சில துளிகள் கலந்து பயன்படுத்தலாம்.

ஆர்கான் ஆயில்: அடர்த்தி அதிகமாக இருப்பதால், இதை வாரத்திற்கு ஒருமுறை அல்லது இரண்டு முறை மட்டுமே பயன்படுத்த வேண்டும்.

உங்களுக்கான சரியான எண்ணெய் எது?

உங்கள் முடி எண்ணெய் பசையுடன் இருந்தால், ஜோஜோபா ஆயில் பயன்படுத்துவது சிறந்தது. மிகவும் வறண்ட முடி இருந்தால், ஆர்கான் ஆயில் சிறந்த தேர்வு. முடி வளர்ச்சிக்கு பெரும்பங்கு வகிக்கும் டீ ட்ரீ ஆயில் (Tea Tree Oil), முடி வளர்ச்சிக்கு மிக முக்கியப் பங்கு வகிக்கிறது. இந்த எண்ணெயை தனியாகப் பயன்படுத்தாமல், தேங்காய் எண்ணெய் அல்லது பாதாம் எண்ணெயுடன் கலந்து தடவலாம்.

டீ ட்ரீ ஆயிலின் நன்மைகள்

அதிக எண்ணெய் நீக்குதல் மற்றும் பொடுகு நீக்குதல்: இது தலையில் உள்ள அதிகப்படியான எண்ணெயை நீக்கி, பொடுகு பிரச்சனையைத் தடுக்கிறது. அரிப்பு மற்றும் அழற்சியை நீக்குதல், இது தலைமுடியில் ஏற்படும் அரிப்பு மற்றும் அழற்சியைப் போக்கி, வேர்க்காலில் முடி வளர்ச்சியைத் தூண்டுகிறது.

பாக்டீரியா மற்றும் பூஞ்சை எதிர்ப்பு, இதில் பூஞ்சை எதிர்ப்பு மற்றும் பாக்டீரியா எதிர்ப்பு பண்புகள் உள்ளதால், தலையில் அரிப்பு மற்றும் செதில்கள் உதிர்வதைத் தடுத்து பாதுகாக்கிறது. ரத்த ஓட்டம் மேம்படுத்துதல், இது தலையில் நல்ல இரத்த ஓட்டத்தை அதிகரித்து, முடி உடைதல் மற்றும் முடி உதிர்தலைத் தடுத்து ஆரோக்கியமான வளர்ச்சியை ஊக்குவிக்கிறது. எந்த எண்ணெயைப் பயன்படுத்தினாலும், அதை நன்கு தலைமுடியில் மசாஜ் செய்வதன் மூலம் இரத்த ஓட்டம் மேம்பட்டு, முடி வளர்ச்சி தூண்டப்படும்.