சோழர்களின் வரலாறு புதைந்த தஞ்சை: சுற்றி பார்க்க அரிய வாய்ப்பு! மிஸ் பண்ணிடாதீங்க!

கோடை விடுமுறை முடிவடைய இன்னும் சில நாட்களே உள்ள நிலையில், குழந்தைகளை எங்கும் அழைத்துசெல்லவில்லை என்று நீங்கள் கவலைப்பட்டுக்கொண்டிருந்தால், அதை தீர்க்கும் வகையில் அருமையான பல பேக்கேஜுகளைத் தஞ்சாவூர் சுற்றுலா மேம்பாட்டு கழகம்  ஏற்பாடு செய்துள்ளது. பொன்னியின் செல்வன் படம் சமீபத்தில் வந்து குழந்தைகள் முதல் முதியவர்கள் வரை நல்ல வரவேற்பை பெற்றது. இதற்கு அடுத்த படியாக, அதே கதையில் நடக்கும் இடங்களை எல்லாம் நேரில் , இப்போது எப்படி இருக்கிறது என்று சுற்றி பார்ப்பதற்கான ஆர்வம் அதிகரித்து வந்தது. இதை அடிப்படையாகக் கொண்டு சுற்றுலா மேம்பாட்டு கழகம் அருமையான ஒரு சுற்றுலா பேக்கேஜ்ஜை கொண்டு வந்துள்ளது. அதன் பெயர்  "சுவடுகளைத் தேடி - வந்தியத் தேவன் பாதையில் ஒரு நாள் பயணம்". இந்த பேக்கேஜ் மூலம் என்ன இடங்களை எல்லாம் பார்க்கலாம், எவ்வளவு செலவாகும் என்று இந்தப் பதிவில் காணலாம்.

என்ன இடங்களை எல்லாம் பார்க்கலாம்? இந்த சுற்றுலா பேக்கேஜ் ஆனது தஞ்சையில் இருந்து தொடங்கி வீராணம் ஏரி, உடையார்குடி, கடம்பூர், திருபுரம்பியம், நாதன் கோவில், பழையாறை, உடையாளூர், தஞ்சை பெரிய கோயில் ஆகிய இடங்களை சுற்றிப் பார்ப்பதற்கான வாய்ப்பை உங்களுக்கு வழங்கும்.