டைப் 2 நீரிழிவு பாதிப்புகள் சமீபமாக அதிகரித்து வருகின்றன, நீரிழிவு நோய் கண்டறியப்பட்ட அனைவரிலும் கிட்டத்தட்ட 90 முதல் 95 சதவீதம் வரை இந்த பாதிப்பு உள்ளது. நீரிழிவு நோயால் பாதிக்கப்பட்ட பெண்களுக்கும் குழந்தைகளுக்கும் இது பொருந்தும்.
உடல் பருமன் தொற்றுநோய் காரணமாக, அதிகமான இளம் பெண்கள் டைப் 2 நீரிழிவு நோயால் கண்டறியப்படுகிறார்கள். அதிக பதப்படுத்தப்பட்ட உணவுகள் மற்றும் பெருகிவிட்ட உட்கார்ந்த வாழ்க்கை முறை இதற்கான முக்கிய காரணங்களாகும்.
டைப் 1, டைப் 2, கர்ப்பகால சர்க்கரை நோய், அத்துடன் நீரிழிவுக்கு முந்தைய அறிகுறிகள் உட்பட பெரும்பாலும் பெண்களில் காணப்படும் சில நீரிழிவு அறிகுறிகள் இங்கே உள்ளன.
சிறுநீர் பாதை நோய்த்தொற்றுகள்
நீரிழிவு நோயால் பாதிக்கப்பட்ட பெண்களுக்கு பிறுப்புறுப்பில் தொற்று (vaginal yeast infection) ஏற்படுவதற்கான அதிக ஆபத்து உள்ளது, குறிப்பாக அவர்களின் இரத்த சர்க்கரை அளவு அதிகமாக இருந்தால்.
இரத்தத்தில் உள்ள சர்க்கரையின் அளவு அதிகமாக இருப்பது, நோய்த்தொற்றுகளை எதிர்த்துப் போராடும் உங்கள் உடலின் திறனைக் குறைக்கிறது. நீரிழிவு நோயின் காரணமாக, சில பெண்கள் தங்கள் சிறுநீர்ப்பையை முழுவதுமாக காலி செய்ய முடியாமல் போகலாம், இது பாக்டீரியா வளர்ச்சியின் வாய்ப்புகளை அதிகரிக்கும்.
ஒழுங்கற்ற மாதவிடாய்
உங்களுக்கு மாதவிடாய் ஒழுங்கற்றதாக இருந்தால், நீரிழிவு உங்கள் மாதவிடாய் சுழற்சியை பாதிக்கிறது என்பதற்கான அறிகுறியாக இருக்கலாம். நீரிழிவு நோயால் பாதிக்கப்பட்ட அனைத்து பெண்களுக்கும் ஒழுங்கற்ற சுழற்சி இருக்கும் என்பது அவசியமில்லை. சில பெண்களுக்கு உடல்நிலை சரியில்லாமல் இருந்தாலும் மாதவிடாய் சீராகவே இருக்கும்.
பாலிசிஸ்டிக் ஓவரியன் சிண்ட்ரோம்
பல ஆய்வுகளின்படி, PCOS உள்ளவர்களுக்கு டைப் 2 நீரிழிவு நோய் வருவதற்கான ஆபத்து நான்கு மடங்கு அதிகமாக உள்ளது. நீங்கள் கர்ப்பகால நீரிழிவு நோயின் வரலாற்றைக் கொண்டிருப்பது உங்களை PCOS இன் அதிக ஆபத்தில் வைக்கிறது.
இயல்பை விட பெரிய குழந்தை
நோய் கட்டுப்பாடு மற்றும் தடுப்புக்கான அமெரிக்க மையங்களின்படி, அனைத்து கர்ப்பிணிப் பெண்களிலும் 10 சதவீதம் பேர் கர்ப்பகால நீரிழிவு நோயால் பாதிக்கப்பட்டுள்ளனர். கர்ப்ப காலத்தில் ஏற்படும் ஹார்மோன் மாற்றங்கள் இன்சுலின் எதிர்ப்பை அதிகரிக்கலாம், இது கர்ப்பகால நீரிழிவு நோய்க்கு வழிவகுக்கும்.
கர்ப்பகால நீரிழிவு நோய் பெரும்பாலும் அறிகுறியற்றது, இது விழிப்புணர்வு இல்லாததால் உடல்நல சிக்கல்களின் அதிக ஆபத்தில் உங்களை வைக்கிறது. கர்ப்பகால நீரிழிவு நோயை பரிசோதிக்க கர்ப்பிணிப் பெண்கள் சில கட்டங்களில் glucose tolerance tests செய்ய வேண்டும். ஒரு குழந்தை இயல்பை விட பெரியதாக இருப்பது பெரும்பாலும் கர்ப்பகால நீரிழிவு நோயின் அறிகுறியாகும்.
அமெரிக்க நோய் கட்டுப்பாடு மற்றும் தடுப்பு மையத்தின் படி, கர்ப்பகால நீரிழிவு நோயால் பாதிக்கப்பட்ட தாய்மார்களில் 50 சதவீதம் பேர் பின்னர் டைப் 2 நீரிழிவு நோயால் பாதிக்கப்படலாம்.
பெண்களுக்கு நீரிழிவு நோயின் சிக்கல்கள்
பல ஆய்வுகளின்படி, பெண்களுக்கு இதய நோய், சிறுநீரக நோய் மற்றும் மனச்சோர்வு ஏற்படுவதற்கான வாய்ப்புகள் அதிகம். இது ஆண்களை விட பெண்களின் உயிருக்கு மிகவும் ஆபத்தானது.
மேலும், மெனோபாஸ் காலத்தில் உடலில் ஏற்படும் மாற்றங்கள், பெண்களுக்கு சர்க்கரை நோய் வருவதற்கான வாய்ப்புகளை அதிகரிக்கும். இதனால் இரத்த குளுக்கோஸ் அதிகரிப்பு, எடை அதிகரிப்பு மற்றும் தூக்கத்தில் சிக்கல்களுக்கு அதிக வாய்ப்புள்ளது. இது மேலும் சிக்கலான உடல்நலப் பிரச்சினைகளுக்கு வழிவகுக்கும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“