எல்லாம் வந்து போகும்...

எல்லாம் வந்து போகும்

இயற்கையின் பெரும் சீற்றம்

புயலாய் பூகம்பமாய் வந்து போகும்…!

கடலின் கடும் கோபம்

சுனாமியாய் வந்து போகும்…

மாமலையும் சிலநேரம்

எரிமலையாகும்!

சுட்டெரிக்கும் சூரியன்

வறுமைத் தந்து போகும்…

கொட்டித் தீர்க்கும் பெருமழை

எல்லைத் தாண்டிப் போகும்!

கொள்ளை நோய்கள் பலபல

ஆதிமுதல் வந்து போயின…

அத்தனையும் மக்களை

கொத்து கொத்தாய் கொண்டுப் போயின!

எங்கிருந்தோ வந்தது

கொரோனா என்பது

எத்தனையோ உயிர்களைப்

பலிவாங்கிப் போகுதே…!

என்னதான் வந்தாலும்

வானமும் பூமியும் மனிதமும்

நின்று நிலைக்கும்

மற்றவையெல்லாம் வந்து போகும்…!

கவிஞர் கமல.செல்வராஜ்
அருமனை. மின்னஞ்சல்: drkamalaru@gmail.com

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil“

Get all the Latest Tamil News and Tamil Nadu News at Indian Express Tamil. You can also catch all the latest Tamil Literature News by following us on Twitter and Facebook