![WPL: மகளிர் பிரீமியர் லீக்; ஒரு புதிய தொடக்கம்](https://img-cdn.thepublive.com/fit-in/1280x960/filters:format(webp)/tamil-ie/media/media_files/uploads/2023/02/Menak_Guruswami_Opinion_Card_Feb_18.jpg)
கிரிக்கெட்டுக்கு வர விரும்பும் பெண்களுக்கு புதிய வாய்ப்புகளை வழங்கும் மகளிர் பிரீமியர் லீக் (புகைப்படம்: சி ஆர் சசிகுமார்)
“26 வயதான இந்திய கிரிக்கெட் வீராங்கனை, பெங்களூரு ராயல் சேலஞ்சர்ஸ் அணி வீராங்கனைகள் ஏலத்தில் 3.4 கோடிக்கு ஒப்பந்தம் செய்யப்பட்டுள்ளார்” என்ற டேக்லைன் சமீபத்தில் பிரபலம். இருப்பினும், இது அனைவருக்கும் தெரிந்த விஷயம் தானே தவிர வேறொன்றுமில்லை, அந்த டிரெண்டிங் பிரபலம் இந்தியாவின் நட்சத்திர தொடக்க பேட்டர் மற்றும் துணை கேப்டன் ஸ்மிருதி மந்தனா. மகளிர் பிரீமியர் லீக்கின் (WPL) தொடக்க சீசனுக்காக ஸ்மிருதி மந்தனாவை ராயல் சேலஞ்சர்ஸ், பெங்களூரு அணி வாங்கியது.
இந்திய அணியின் கேப்டன் ஹர்மன்பிரீத் கவுரை மும்பை இந்தியன்ஸ் அணி 1.8 கோடி ரூபாய்க்கும், ஆல்ரவுண்டர் தீப்தி ஷர்மாவை 2.6 கோடி ரூபாய்க்கு யு.பி வாரியர்ஸ் அணியும் கைப்பற்றின. 19 வயதான ஷஃபாலி வர்மாவை டெல்லி கேப்பிடல்ஸ் ரூ.2 கோடிக்கு ஒப்பந்தம் செய்தது.
மார்ச் 4 முதல் 24 வரை, தென்னாப்பிரிக்காவில் மகளிர் டி20 உலகக் கோப்பை முடிந்து ஆறு நாட்களுக்குப் பிறகு, கிரிக்கெட் அதன் வரலாற்றுச் சிறப்புமிக்க முதல் WPL சீசனைத் தொடங்கும்.
இந்திய கிரிக்கெட் கட்டுப்பாட்டு வாரியத்தால் (BCCI) நிர்வகிக்கப்படும், WPL US$572 மில்லியன் மதிப்புடையது மற்றும் தொடக்க சீசனில் ஐந்து அணிகளைக் கொண்டிருக்கும். இந்த ஐந்து அணிகளும் டெல்லி, மும்பை, பெங்களூரு, அகமதாபாத் மற்றும் லக்னோவில் இருந்து தலா ஒன்று இருக்கும். ஆண்கள் இந்தியா பிரீமியர் லீக்கில் உள்ள மூன்று உரிமையாளர்கள் மகளிர் அணிகளையும் வாங்கியுள்ளனர். மும்பை இந்தியன்ஸ் அணிக்கு சொந்தமான ரிலையன்ஸ் இண்டஸ்ட்ரீஸ், ராயல் சேலஞ்சர்ஸ் பெங்களூர் அணிக்கு சொந்தமான டியாஜியோ மற்றும் டெல்லி உரிமையாளரான JSW GMR ஆகியோர் தலா ஒரு அணிகளை வைத்துள்ளனர்.
WPL 22 ஆட்டங்களைக் கொண்டிருக்கும். லீக்கில் முதலிடத்தைப் பிடிக்கும் அணி நேரடியாக இறுதிப் போட்டிக்குச் செல்லும், இரண்டாவது மற்றும் மூன்றாவது இடங்களைப் பிடிக்கும் அணிகள், இறுதிப் போட்டியில் மற்றொரு இடத்திற்காக ஒன்றுக்கொன்று மோதும். ஒருவர் இதை நிராகரிக்க முடியாதபடி, WPL மிகப்பெரிய அளவில் வெற்றி பெற வாய்ப்பு உள்ளது, முதலீட்டாளர்கள் நம்பிக்கையுடன் $572 மில்லியன் ஏலம் எடுத்துள்ளனர், ரிலையன்ஸ் இண்டஸ்ட்ரீஸ் உலகளாவிய தொலைக்காட்சி மற்றும் டிஜிட்டல் உரிமைகளை $117 மில்லியனுக்கு வாங்கியது.
பெண்கள் கிரிக்கெட்டுக்கு இது ஒரு வரலாற்று காலம். இது இறுதியாக பல தசாப்தங்களாக மோசமான நிதி மற்றும் அலட்சியத்திலிருந்து விலகிச் செல்கிறது, இதில் இறுக்கமான போட்டிக்குப் பிறகு பரிசளிப்பு நிகழ்வில் சிறந்த கிரிக்கெட் வீராங்கனைகளிடம் "உங்களுக்கு பிடித்த ஆண் கிரிக்கெட் வீரர் யார்?" என்று கேட்கப்படும் காலத்தையும் உள்ளடக்கியது. லேசாகச் சொல்வதென்றால், ஆண்கள் கிரிக்கெட் குறிப்பிடத்தக்க வகையில் நன்கு ஆதரிக்கப்படும் அதே வேளையில், பெண்கள் கிரிக்கெட் அதன் மோசமான ஆதரவு மற்றும் மிகவும் புறக்கணிக்கப்பட்ட உடன்பிறப்பு. ஜூலன் கோஸ்வாமி மற்றும் மிதாலி ராஜ் போன்றவர்கள், கிரிக்கெட்டின் மிகச்சிறந்த வீராங்கனைகளில் ஒருவராக இருந்து ஓய்வு பெற்றவர்கள், அவர்கள் WPL இன் பலனைப் பெறவில்லை, மேலும் அவர்கள் போதுமான கிரிக்கெட் போட்டிகளை விளையாடுவதைப் பார்க்கும் பாக்கியமும் நமக்கு இல்லை.
சமீப காலம் வரை ஐ.பி.எல் போன்ற லீக் இல்லாத நிலையில், அதற்கு மேம்பட்ட ஆதரவு இருந்தும், ஒரு தனியார் லீக் உருவாக்கும் வீராங்கனைகளுக்கான செல்வம் (வருமானம்) இதுவரை இல்லை. தனியார் லீக்குகள் உருவாக்கும் பரந்த தொலைக்காட்சி பார்வையாளர்கள் மற்றும் உரிமை வருவாயையும் காணவில்லை. WPL பெரிய அரங்கில் விளையாடும் வாய்ப்புகளை இதுவரை சர்வதேச போட்டிகளில் களமிறங்காத இளைய வீராங்கனைகளுக்கு வழங்கும், மேலும் பெண்கள் கிரிக்கெட் முன்பை விட அதிகமான வீடுகளில் ஒளிபரப்பப்படுவதை தொலைக்காட்சி உரிமைகள் உறுதி செய்யும். இதன் பொருள் என்னவென்றால், தாங்களும் இந்த விளையாட்டை விளையாடலாம் மற்றும் அடுத்த ஸ்மிருதி மந்தனா அல்லது ஹர்மன்ப்ரீத் கவுர் ஆகலாம் என்பதை அதிகமான பெண்கள் அறிந்து கொள்வார்கள்.
தற்போது பெண்கள் கிரிக்கெட்டில் பெரும் ஆர்வம் ஏற்பட்டுள்ளது. கொஞ்ச நாள் முன்னாடி அம்மாவுக்கு போன் பண்ணேன். எனது 74 வயதான அம்மா, ஒரு தீவிர விளையாட்டு ஆர்வலர், “ஆம் ஆம், நாங்கள் நலமாக இருக்கிறோம். இந்தியா-பாகிஸ்தான் கிரிக்கெட் போட்டி தொடங்குவதற்காக காத்திருக்கிறோம்” என்றார். அம்மா என்னிடம், "நீ பார்க்கவில்லையா?!" என்று கேட்டார். வழக்குகளுக்கான வழக்கறிஞர் மாநாட்டு அட்டவணையை அடுத்த நாள் கொண்டு வர இது சரியான நேரமாகத் தெரியவில்லை. எனவே, கிரிக்கெட் பார்க்க தொடங்கினேன்.
குறிப்பிட்ட கிரிக்கெட் போட்டி 2023 டி20 உலகக் கோப்பை, தென்னாப்பிரிக்காவில் நடைபெற்றது. பிப்ரவரி 12, ஞாயிற்றுக்கிழமை அழகிய கேப்டவுனில் இந்தியா மற்றும் பாகிஸ்தான் அணிகளுக்கு இடையே தொடக்க ஆட்டம் நடைபெற்றது. 150 ரன்கள் என்ற இலக்கை 3 விக்கெட்டுகளை மட்டும் இழந்து இந்தியா எளிதாக வெற்றி பெற்றாலும், பாகிஸ்தான் அணியின் கேப்டன் பிஸ்மா மரூப் 55 பந்துகளில் 68 ரன்கள் எடுத்ததன் மூலம் அந்த அணியின் ஸ்கோரை உயர்த்தினார். இந்திய தரப்பில் அதிகபட்சமாக ஜமிமா ரோட்ரிக்ஸ் 38 பந்துகளில் 53 ரன்கள் எடுத்தார். அடுத்ததாக, பிப்ரவரி 15 அன்று, இந்திய அணி மேற்கிந்திய தீவுகளை 6 விக்கெட் வித்தியாசத்தில் வீழ்த்தியது. எனவே, நமது அணி நன்றாக விளையாடி வருகிறது!
ஆச்சரியப்படத்தக்க வகையில், டி20 உலகக் கோப்பையில் இந்தியா சிறப்பாக விளையாடி வருகிறது. நமது அணி 2017 இல் 50 ஓவர் உலகக் கோப்பையின் இறுதிப் போட்டியிலும், 2020 இல் உலக T20 இறுதிப் போட்டியிலும் விளையாடி சாதனை படைத்துள்ளது. இந்திய மகளிர் கிரிக்கெட் வீராங்கனைகள் குறைந்த எண்ணிக்கையிலான ஆட்டங்கள் விளையாடுவதாலும், பெரிய போட்டி அனுபவம் இல்லாத போதிலும் இது சாத்தியமாகியுள்ளது. WPL இந்த குறைபாட்டை நிவர்த்தி செய்ய உதவும், மேலும் ஆஸ்திரேலியா மற்றும் இங்கிலாந்தில் உள்ள பெண்கள் லீக்குகள் விளையாட்டின் வளர்ச்சி மற்றும் தேசிய அணியை நன்றாகச் சரிப்படுத்துதல் ஆகிய இரண்டிற்கும் பங்களிக்கின்றன.
WPL எவ்வளவு முக்கியம் என்பதை இப்போது நான் சிறப்பிக்கலாம் அல்லது ஒரு கிரிக்கெட் ஆர்வலராக நீங்கள் WPL லீக்கின் முன்னோடியாக நடைபெறும் பெண்கள் டி20 உலகக் கோப்பையை உட்கார்ந்து பார்க்கலாம். நீங்கள் ட்யூன் செய்தால், ஷஃபாலி வர்மா நேர்த்தியான ஸ்கொயர் கட் விளையாடுவதையும் அல்லது ஸ்மிருதி மந்தனா ஒரு கவர் டிரைவின் வேகப்பந்து வீச்சை விளாசுவதையும் பாராட்டலாம். அல்லது ஆல்ரவுண்டரும், ஒரு தந்திரமான லெக் ஸ்பின்னருமான தீப்தி ஷர்மா, எதிரணி பேட்டர் லெக் பிஃபோர் விக்கெட்டைப் பெறுவதை நீங்கள் பார்க்கலாம். பெண்கள் T20 உலகக் கோப்பை நடைபெறும்போது இவை அனைத்தையும் நீங்கள் பார்க்கலாம். கேம்களை ஆன்லைனிலும் தொலைக்காட்சியிலும் பார்க்கலாம். இது கிரிக்கெட் சீசன், மக்களே! இறுதியாக, நமது மகளிர் கிரிக்கெட் வீராங்கனைகள் தங்களுக்கென ஒரு லீக்கை கொண்டுள்ளனர்!
எழுத்தாளர் உச்ச நீதிமன்றத்தில் மூத்த வழக்கறிஞர்
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
Stay updated with the latest news headlines and all the latest Lifestyle news. Download Indian Express Tamil App - Android or iOS.