இந்த 5 ஜூஸ் குடிச்சா உங்க உடம்பை ஃபிட்டாக வெச்சுக்கலாம்!

உடலை கட்டுக்கோப்பாக வைத்திருக்க உதவும் 5 ஜூஸ் வகைகளை பற்றி தான் இந்த பதிவில் பார்க்கப் போகிறோம். அவை என்னென்ன என்பதன் முழு விவரங்களை பார்ப்போம் வாங்க.

Written byMona Pachake

உடலை கட்டுக்கோப்பாக வைத்திருக்க உதவும் 5 ஜூஸ் வகைகளை பற்றி தான் இந்த பதிவில் பார்க்கப் போகிறோம். அவை என்னென்ன என்பதன் முழு விவரங்களை பார்ப்போம் வாங்க.

Mona Pachake

26 Jul 2025 07:20 IST

New Update

1/5

கேரட் ஜூஸ்

கேரட் ஜூஸ் குடிப்பதால் கண்களின் பார்வை திறன் மேம்படுகிறது, நோய் எதிர்ப்பு சக்தி அதிகரிக்கச் செய்து, சருமத்தின் ஆரோக்கியத்தை மேம்படுத்துகிறது. இந்த கேரட் ஜூஸில் வைட்டமின் ஏ, பொட்டாசியம் மற்றும் ஆன்டிஆக்ஸிடன்ட்கள் போன்ற அத்தியாவசிய ஊட்டச்சத்துக்கள் நிறைந்து இருக்கிறது.

2/5

பீட்ரூட் ஜூஸ்

பீட்ரூட் ஜூஸை குடிப்பதால் பல ஆரோக்கிய நன்மைகள் உடலுக்கு கிடைக்கிறது. இரத்த அழுத்தத்தைக் குறைக்கிறது, உடற்பயிற்சி திறனை மேம்படுத்துகிறது, கல்லீரலை பாதுகாக்கிறது, செரிமானத்தை மேம்படுத்துகிறது மற்றும் ஆன்டிஆக்ஸிடன்ட்களின் மூலம் உடலை பாதுகாத்து உடலுக்கு வலிமை அளிக்கிறது.

3/5

வெள்ளரி ஜூஸ்

வெள்ளரிக்காயில் அதிக அளவு நீர்ச்சத்து உள்ளது. எனவே, இது உடலை நீரேற்றமாக வைத்திருக்க உதவுகிறது. வெள்ளரி ஜூஸில் கலோரிகள் குறைவாகவும், நார்ச்சத்து அதிகமாகவும் இருப்பதால், உடல் எடையை குறைக்க உதவுகிறது. வெள்ளரி ஜூஸ் சருமத்திற்கு ஈரப்பதத்தை அளித்து, சருமத்தை பளபளப்பாகவும், ஆரோக்கியமாகவும் வைத்திருக்க உதவுகிறது. வெள்ளரி ஜூஸ் உடலை குளிர்விக்கும் தன்மை கொண்டது, இது கோடை காலங்களில் மிகவும் பயனுள்ளதாக இருக்கும்.

Advertisment

4/5

முலாம்பழம் ஜூஸ்

முலாம்பழம் ஜூஸ் குடிப்பதன் மூலம் பல நன்மைகள் உடலுக்கு கிடைக்கிறது. முலாம்பழ ஜூஸ் உடலுக்கு நீரேற்றம் அளிக்கிறது, நோய் எதிர்ப்பு சக்தியை அதிகரிக்கிறது, செரிமானத்தை மேம்படுத்துகிறது மற்றும் சருமத்திற்கு பொலிவை அளிக்கிறது. மேலும், இது வைட்டமின் ஏ, பி, சி போன்ற அத்தியாவசிய வைட்டமின்கள் மற்றும் தாதுக்களைக் கொண்டுள்ளது.

5/5

தக்காளி ஜூஸ்

தக்காளியில் ஜூஸா என்று நீங்கள் ஆச்சரியப்படலாம்! ஆனால் இந்த தக்காளி ஜூஸின் நன்மைகள் பற்றி தெரிந்து கொள்ள வேண்டும். இது செரிமான அமைப்பை மேம்படுத்துகிறது, மலச்சிக்கலை தடுக்கிறது, கல்லீரலை மேம்படுத்துகிறது மற்றும் உடலில் இருந்து கொழுப்பைக் குறைக்கிறது. மேலும், இரத்த அழுத்தத்தைக் குறைக்கவும், எலும்புகளை வலுப்படுத்தவும் உதவுகிறது. இது வைட்டமின்கள் மற்றும் தாதுக்களால் நிறைந்துள்ளது. மேலும், ஆன்டிஆக்ஸிடன்ட்களைக் கொண்டுள்ளது, இது இதய ஆரோக்கியத்திற்கும், புற்றுநோய் வராமல் தடுக்கவும் உதவுகிறது.

Stay updated with the latest news headlines and all the latest Lifestyle news. Download Indian Express Tamil App - Android or iOS.