தமிழ் சினிமாவின் டாப் ஹீரோக்களுடன் நடித்த காமெடியன்; இப்போது அவரே ஹீரோவாக கலக்கி வருகிறார்: இந்த சிறுவன் யாரென்று தெரிகிறதா?

சமூக ஊடகங்களில் சில பிரபலங்களின் இளம் வயது புகைப்படங்கள் திடீரென வைரலாக பரவும். அதன்படி, இந்தப் புகைப்படத்தில் இருக்கும் சிறுவனை உங்களால் அடையாளம் காண முடிகிறதா?

அச்சிறுவன் வேறு யாருமில்லை; நடிகர் சதீஷின் குழந்தைப் பருவ புகைப்படம் தான் அது. சிறுவயதில் தனது பெற்றோருடன் எடுத்துக் கொண்டதை போன்ற ஒரு புகைப்படத்தை, மீண்டும் அதே போன்று நடிகர் சதீஷ் ரீ-கிரியேட் செய்துள்ளார்.

தமிழ் சினிமாவில் பல ஆண்டுகளாக நடித்து வந்தாலும் சிவகார்த்திகேயனுடன் இவர் இணைந்து நடித்த 'எதிர்நீச்சல்' திரைப்படம் இவருக்கு நல்ல வரவேற்பை பெற்றுத் தந்தது.

அதன் பின்னர், நடிகர் சதீஷின் கிராஃப் உச்சத்தை எட்டியது. குறிப்பாக, நடிகர்கள் விஜய்யுடன் 'கத்தி', ரஜினிகாந்துடன் 'அண்ணாத்த' போன்ற திரைப்படங்களில் சதீஷ் நடித்துள்ளார்.

இதைத் தொடர்ந்து, நாய் சேகர், சட்டம் என் கையில் போன்ற திரைப்படங்களில் ஹீரோவாகவும் சதீஷ் நடித்துள்ளார். இப்படங்கள் விமர்சன ரீதியாக வரவேற்பை பெற்றது குறிப்பிடத்தக்கது.