நடிப்பு, இசை, பாடல்....இப்படி பல திறமைகள் கொண்ட ஆண்ட்ரியாவின் பிறந்தநாள் இன்று.

தென்னிந்திய சினிமா ஏராளமான பன்முக கலைஞர்களை கடந்து வந்துள்ளது. அவர்களில் ஒருவர் தான் நடிகை, பின்னணி பாடகி, டப்பிங் ஆர்டிஸ்ட் என பல முகங்களை காட்டி அதில் வெற்றி நடையும் போட்டவர்தான் ஆண்ட்ரியா

2005ம் ஆண்டு வெளியான 'கண்ட நாள் முதல்' படத்தில் ஒரு துணை கதாபாத்திரத்தில் தலைகாட்டிய ஆண்ட்ரியாவுக்கு 'பச்சைகிளி முத்துச்சரம்' திரைப்படம் மூலம் லீட் ரோலில் நடிக்க வாய்ப்பு கிடைத்தது. இசையால் அனைவரையும் கவர வேண்டும் என ஆசைப்பட்டவர் மெல்ல மெல்ல நடிகையாக பரிணாமம் எடுத்தார்.

'வடசென்னை' படத்தில் மிகவும் சேலஞ்சிங்கான ஒரு கதாபாத்திரத்தில் நடித்து அனைவரின் பாராட்டையும் பெற்றார். இருப்பினும் அப்படத்தில் நடித்தால் தன்னுடைய தனிப்பட்ட வாழ்க்கை பாதித்ததாக தெரிவித்து இருந்தார். கிடைக்கும் படங்களில் எல்லாம் நடிக்காமல் தன்னுடைய கதாபாத்திரத்துக்கு முக்கியத்துவம் கொடுக்கும் கேரக்டரில் மட்டுமே நடித்து வருகிறார். மலையாள திரையுலகிலும் மிகவும் பிரபலமான ஒரு நடிகையான ஆண்ட்ரியா ஃபஹத் ஃபாசில் ஜோடியாக 'அன்னையும் ரசூலும்' படத்தில் நடித்தற்காக நல்ல வரவேற்பை பெற்றார்.

புஷ்பா படத்தில் இடம் பெற்ற மெகா ஹிட் பாடலான 'ஊ சொல்றியா மாமா.. ஊஹூம் சொல்றியா மாமா..." பாடல் சிறியவர்கள் முதல் பெரியவர்கள் வரை அனைவரும் இன்று வரை வைப் செய்யும் ஒரு பாடலாக இருந்து வருகிறது. இப்பாடலை வெகு சிறப்பாக பாடியதற்காக ஆண்ட்ரியாவை கொண்டாடி தீர்த்தனர்.

மிகவும் துணிச்சலான ஒரு மனோபாவம் கொண்டவர் ஆண்ட்ரியா. இந்த பிறந்தநாள் அவருக்கு சிறப்பான ஒரு பிறந்தநாளாக அமைய வாழ்த்துக்கள்.