ஒரே படத்தில் இந்தியா முழுவதும் ஃபேமஸ்: இந்த சிறுமி இப்போ சீனியர் நடிகை: யார்னு கண்டுபிடிங்க!

சமீபத்தில் ஒரு தென்னிந்திய நடிகையின் குழந்தை பருவப் புகைப்படம் இணையத்தில் வைரலாகி, இணையவாசிகள் அனைவரின் கவனத்தையும் ஈர்த்துள்ளது. இந்த அழகிய புகைப்படத்தில் இருக்கும் பிரபலத்தை அடையாளம் காண பலரும் ஆர்வமாக உள்ளனர்.

அவர் வேறு யாருமில்லை, பல்வேறு வெற்றித் திரைப்படங்களை கொடுத்த நடிகை அனுஷ்கா ஷெட்டி தான். இரண்டு தசாப்த கால அசைக்க முடியாத அர்ப்பணிப்புடன் திரையுலகில் தனது இருப்பை அவர் உறுதிப்படுத்தியுள்ளார்.

அனுஷ்காவின் பன்முகத்தன்மை பல வகைகளிலும் மிளிர்கிறது. வரலாற்று திரைப்படங்கள், சஸ்பென்ஸ் திரில்லர்கள், காதல் கதாபாத்திரங்கள், நகைச்சுவை வேடங்கள் என பல்வேறு கதையம்சம் கொண்ட படங்களில் அவர் நடித்துள்ளார்.

அனுஷ்கா ஷெட்டி 2005 இல் நாகார்ஜுனாவுடன் இணைந்து நடித்த தெலுங்குத் திரைப்படமான 'சூப்பர்' மூலம் திரையுலகில் அறிமுகமானார். தமிழ் திரையுலகில் 2006 இல் மாதவனுடன் இணைந்து நடித்த 'ரெண்டு' படத்தின் மூலம் ரசிகர்களால் அறியப்பட்டார்.

எத்தனையோ திரைப்படங்களில் அவர் நடித்திருந்தாலும், இன்று வரை 'அருந்ததி' திரைப்படம் ஒரு மாஸ்டர்பீஸ்-ஆக இருக்கிறது. இப்படத்தின் மூலம் அனுஷ்கா இந்தியா முழுவதும் பிரபலம் அடைந்தார்.