ரஜினி படத்தில் அறிமுகம்; 2-வது படத்தில் விஜய்க்கு ஜோடி: இந்த சிறுமி இப்போ பாலிவுட் ஸ்டார்!

சமீப காலமாக சமூக வலைதளங்களில் முன்னணி நடிகர், நடிகைகளின் குழந்தைப் பருவ புகைப்படங்கள் பகிரப்பட்டு வைரலாகி வருகிறது. அந்த வகையில், தற்போது சமூக வலைதள பக்கத்தில் வைரலாகி வரும் புகைப்படங்களுள் இந்தப் படமும் ஒன்று. இந்தப் படத்தில் இருப்பவர் நடிகை மாளவிகா மோகனன்.

தென்னிந்திய சினிமாவில் முன்னணி நடிகையாக வலம் வருகிறார் மாளவிகா மோகனன். பட்டம் போலே என்ற மலையாள திரைப்படம் மூலம் மலையாள சினிமாவில் கால்பதித்த இவர், தொடர்ந்து நிர்நாயக்கம், நானு மட்டு வரலட்சுமி, தி கிரேட் பாதர், பியாண் த கிளவுட்ஸ் ஆகிய படங்களில் நடித்துள்ளார்.

மாளவிகா மோகனன் தமிழில் உச்சநட்சத்திரமாக திகழும் ரஜினியின் பேட்ட திரைபடத்தில் அறிமுகமாகினார். தனது சிறப்பான நடிப்பால் முதல் படத்திலே பெரும் வரவேற்பை பெற்றார். தனக்கென தனி ரசிகர்கள் பட்டாளத்தையும் உருவாக்கினார்.

தொடர்ந்து, மாளவிகா மோகனன் டாப் நடிகரான விஜய்யுடன் இணைந்து மாஸ்டர் படத்தில் நடித்தார். இந்தப் படத்திலும் அவரது நடிப்பு வெகுவாக பாராட்டப்பட்டது. இவரது நடிப்பில் கடையாக வெளியான தங்கலான் மற்றும் யுத்ரா ஆகிய திரைப்படங்கள் வெளியாகி ரசிகர்கள் மத்தியில் கலவையான விமர்சனங்களை பெற்றது.

மாளவிகா மோகனன் சர்தார் 2 படத்தில் கார்த்தி உடனும், ராஜாசாப் படத்தில் பிரபாஸ் உடனும், ஹிருதயபூர்வம் படத்தில் மோகன்லால் உடனும் நடித்து வருகிறார்.

இந்நிலையில், நடிகை மாளவிகா மோகனனின் குழந்தைப் பருவ புகைப்படங்கள் சமூக வலைதள பக்கங்களில் பகிரப்பட்டு வைரலாகி வருகிறது.