சிறுத்தை பட சிறுமி ஞாபகம் இருக்கா? இப்போ எப்படி இருக்கார் பாருங்க: வைரல் க்ளிக்ஸ்!

சிவா இயக்கத்தில் கார்த்தி, தமன்னா, சந்தானம் ஆகியோர் நடிப்பில் வெளியாகி மாபெரும் வெற்றி பெற்ற திரைப்படம் 'சிறுத்தை'. இப்படத்தை தொடர்ந்து, தற்போது வரை இயக்குநர் சிவாவை 'சிறுத்தை' சிவா என்றே அழைக்கின்றனர்.

காமெடி, ஆக்‌ஷன் என்று இரட்டை வேடங்களில் இப்படத்தில் கார்த்தி நடித்திருந்தார். 'பையா' திரைப்படத்திற்கு பின்னர் மீண்டும் கார்த்தி மற்றும் தமன்னா இதில் ஜோடி சேர்ந்தனர். இப்படத்தின் காமெடிக்கு சந்தானம் இருந்ததை போன்று, சென்டிமென்டுக்கு ஒரு சிறுமி கார்த்தியின் மகளாக நடித்திருந்தார். அச்சிறுமியை தற்போது உங்களுக்கு ஞாபகம் இருக்கிறதா?

இச்சிறுமியின் பெயர் ரக்‌ஷனா. தமிழ் சினிமாவில் எத்தனையோ பேரை குழந்தை நட்சத்திரங்களாக பார்த்திருப்போம். துறுதுறு என்று இருக்கும் குழந்தை நட்சத்திரங்கள் இடையே, கனமான பாத்திரங்களில் நடித்தவர்கள் மிகச் சிலர் தான். அந்த வரிசையில் சிறுமி ரக்‌ஷனாவும் ஒருவர்.

சிறுமியாக நாம் பார்த்த ரக்‌ஷனா, இப்போது நன்றாக வளர்ந்து விட்டார். இவரது சமீபத்திய புகைப்படங்கள் இணையத்தில் வைரலாக பரவி வருகிறது.

'சிறுத்தை' மட்டுமின்றி 'கடல்', 'ஓ காதல் கண்மணி' ஆகிய படங்களிலும் ரக்‌ஷனா நடித்திருந்தார் என்பது குறிப்பிடத்தக்கது. அந்த வகையில், ரக்‌ஷனாவை மீண்டும் திரையில் காண்பதற்கு பலரும் ஆர்வமாக உள்ளனர்.