இவங்க 3 பேருமே ரஜியுடன் நடித்தவர்கள்: ஒருவர் ஸ்ரீதேவி... மற்ற 2பேரும் யார் தெரியுமா?

தமிழ் சினிமாவில் ரஜினி, கமல் என பல பிரபலங்களுடன் இணைந்து ஏராளமான படங்களில் நடித்து இளைஞர்களின் கனவுக் கன்னியாக கொடிகட்டி பறந்தவர் நடிகை ஸ்ரீதேவி. பாலிவுட் பக்கம் சென்ற அவர் அங்கேயும் ஏராளமான படங்களில் நடித்து முன்னணி நடிகையாக வலம் வந்தார். இவருக்கு என பெரும் ரசிகர்கள் பட்டாளமே இருந்தது.

பிரபல தயாரிப்பாளரான போனி கபூரை ஸ்ரீதேவி திருமணம் செய்து கொண்டார். ஜான்வி கபூர், குஷி கபூர் என 2 மகள்கள் உள்ளனர். இந்த நிலையில் நடிகை ஸ்ரீதேவி கடந்த 2018ஆம் ஆண்டு மரணமடைந்தார். இது ரசிகர்கள் மற்றும் திரையுலகப் பிரபலங்கள் மத்தியில் பெரும் அதிர்ச்சியை ஏற்படுத்தியது.

நடிகை ஸ்ரீதேவியுடன் சிறு வயதிலேயே ஜோதிகா எடுத்துக்கொண்ட புகைப்படம் வெளியாகி தற்போது வைரலாகி வருகிறது. அந்தப் புகைப்படத்தில் ஜோதிகா மட்டுமின்றி அவரது சகோதரிகள் நக்மா, ரோஷினி ஆகியோரும் உள்ளனர்.