டி.ஆர் படத்தில் அறிமுகம்; ரஜினி -கமலுடன் நடித்தவர்: பொன்னியின் செல்வன் நடிகைக்கு இந்த சிறுமி மாமியார்!

சமீப காலமாக சமூக வலைதளங்களில் முன்னணி நடிகைகளின் குழந்தைப் பருவ புகைப்படங்கள் பகிரப்பட்டு வைரலாகி வருகிறது. அந்த வகையில், தற்போது சமூக வலைதள பக்கத்தில் வைரலாகி வரும் புகைப்படங்களுள் இந்தப் படமும் ஒன்று.

இந்த புகைப்படத்தில் இருக்கும் சிறுமி தமிழ் சினிமாவில் 1980 மற்றும் 90-களில் முன்னணி கதாநாயகியாக வலம் வந்தவர். உச்ச நட்சத்திரங்களான ரஜினிகாந்த், கமல்ஹாசன், பிரபு, சத்யராஜ், உள்ளிட்ட முன்னணி நடிகர்களுடன் இணைந்து பல படங்களில் நடித்துள்ளார். அவர் தான் நடிகை அமலா அக்கினேனி.

தமிழில் டி.ராஜேந்தர் இயக்கத்தில் 1986-ம் ஆண்டு வெளியான மைதிலி என்னை காதலி படத்தில் நடிகை அமலா அறிமுகமானார். இவர் கடைசியாக தமிழில் 1991-ல் வெளியான கற்பூர முல்லை என்ற படத்தில் நடித்திருந்தார். அதன்பிறகு, 30 வருட இடைவெளிக்குப் பின் கணம் படத்தில் நடித்தார்.

பரதநாட்டிய கலைஞரான நடிகை அமலா, தமிழை தாண்டி தெலுங்கு, மலையாளம், இந்தி, கன்னடம் என பல மொழிகளில் நடித்துள்ளார். கிட்டத்தட்ட 54 படங்களில் இவர் நடித்துள்ளார். இவர் புளு கிராஸ் போன்ற நிறுவனத்தில் முக்கிய பங்கு வகித்து வருகிறார்.

நடிகை அமலா 1992-ம் ஆண்டு தெலுங்கு நடிகர் நாகர்ஜூனாவை இர்ணடாவது திருமணம் செய்துகொண்டார். இந்த தம்பதிக்கு அகில் என்ற ஒரு மகன் உள்ளார். நாகர்ஜூனாவின் முதல் மனைவி லட்சுமி டகுபதிக்கு பிறந்தவர் தான் நாக சைதன்யா அக்கினேனி.

நாக சைதன்யா நடிகை சமந்தாவை திருமணம் செய்து விவாகரத்து செய்தார். இதன்பிறகு, கடந்த ஆண்டு பாலிவுட் நடிகை சோபிதா துலிபாலாவை நாக சைதன்யா திருமண செய்து கொண்டார். நடிகை சோபிதா பொன்னியின் செல்வன் படத்தில் நடித்திருப்பார். தற்போது அவர் நாகர்ஜூனா - அமலா தம்பதியின் மருமகள் ஆகிவிட்டார்.