இங்க உங்க பர்ஸ், பாஸ்போர்ட் மறந்து வச்சுட்டா கூட அப்படியே இருக்கும்! சாரா, அனிதா எங்க போயிருக்காங்க தெரியுமா?

அனிதாவும், சாராவும் சமீபத்தில் அபுதாபி நாட்டுக்கு சுற்றுலா சென்றுள்ளனர். அங்கு எடுத்த புகைப்படங்கள், வீடியோஸை அனிதா தன் இன்ஸ்டாகிராமில் பகிர்ந்துள்ளார்.

ஐக்கிய அரபு எமிரேட்ஸின் தலைநகரான அபுதாபி, தனது வளமான கலாச்சார பாரம்பரியம், அற்புதமான நிலப்பரப்புகள், சுவாரஸ்யமான அருங்காட்சியகங்கள், நவீன கட்டடக் கலை மற்றும் அன்பான மக்களுடன் உங்களை மகிழ்விக்கும் ஒரு இடமாகும்.

அபுதாபி ஒரு வித்தியாசமான நகரம். டாக்ஸியிலோ அல்லது ஃபுட் கோர்ட்டிலோ உங்கள் மணிப்பர்சை அல்லது பாஸ்போர்ட்டையோ மறந்து வைத்துவிட்டால் கூட, அது அப்படியே இருக்கும் அல்லது யாராவது உங்களிடம் திருப்பி ஒப்படைத்து விடுவார்கள். சிறிய குற்றங்களான திருட்டு போன்ற சம்பவங்கள் அங்கு அரிதாகவே நிகழ்கின்றன. பொதுவாக, இரவில் தாமதமாக நடந்து செல்வது கூட அனைவருக்கும் பாதுகாப்பானது.

67,340 சதுர கிலோமீட்டர் (26,000 சதுர மைல்கள்) பரப்பளவில் அமைந்துள்ள அபுதாபி, ஐக்கிய அரபு எமிரேட்ஸில் மிகப்பெரிய எமிரேட் ஆகும்.உலகின் மிகப்பெரிய தொடர்ச்சியான மணல் பாலைவனமான ரூப் அல் காலி தவிர, கரடுமுரடான மலைகள், 700 கி.மீ நீளமுள்ள கடற்கரை மற்றும் கிட்டத்தட்ட 200 தீவுகளும் இங்கு உள்ளன. இவை அனைத்தும் பல்வேறு அனுபவங்களை வழங்குகின்றன.

அபுதாபி நகரத்தில் அருங்காட்சியகங்கள், வணிக வளாகங்கள், வானளாவிய கட்டிடங்கள், தீம் பார்க்குகள் மற்றும் சதுப்பு நிலங்கள் இருந்தாலும், இந்த எமிரேட் அல் ஐனையும் உள்ளடக்கியது. அங்கு கோட்டைகள், சோலைவனங்கள், பண்டைய கல்லறைகள் மற்றும் மலைகள் ஐக்கிய அரபு எமிரேட்ஸின் வரலாற்றின் எதிர்பாராத காட்சியை வழங்குகின்றன.

அபுதாபியின் கோர்னிஷில் சைக்கிள் ஓட்டுவது, ஜூபைல் மங்க்ரோவ் பூங்காவின் சதுப்புநில நீர்ப்பரப்புகளில் கயாக்கிங் செய்வது, சாடியத் பீச் கோல்ஃப் கிளப்பில் உப்புநீர் ஏரிகள் மற்றும் மணல் திட்டுகளுக்கு மத்தியில் உங்கள் கோல்ஃப் திறமையை பயிற்சி செய்வது மற்றும் லிவா பாலைவனத்தைச் சுற்றி ஃபேட் பைக் மூலம் எக்ஸ்ப்ளோர் செய்வது போன்ற செயல்பாடுகளை உள்ளடக்கிய ஒரு பயணத்திட்டத்தை உருவாக்குங்கள்.