'பாட்ஷா' படத்தில் ரஜினிக்கு தம்பி; இவர் முன்னாள் எம்.பி தெரியுமா? இப்போ எப்படி இருக்கார் பாருங்க!

“சொல்லுங்க சொல்லுங்க சொல்லுங்க” என்ற வசனத்தால் ரசிகர்களிடையே தனித்த கவனம் ஈர்த்தவர் ரஜினியின் ‘பாஷா’ பட சசிகுமார். போலீஸ் அதிகாரியாகவும், ரஜினியின் தம்பியாகவும் அவர் கேட்கும் கிடுக்குப்பிடி கேள்விகளும், அதே சமயம், “நீங்க அடிச்சவங்க ஹாஸ்பிட்டல்ல இருக்காங்க, சண்ட வெறி ஊறிப்போன ஒருத்தரால தான் இப்படி அடிக்க முடியும்” என அவர் கொடுக்கும் பில்டப்பும் படத்தின் டர்னிங் பாயின்ட்.

ரஜினியின் கரியரில் ‘பாட்ஷா’ திரைப்படம் அவருக்கு மிக முக்கியமான படமாக அமைந்தது. 1995 ஜனவரி 12ஆம் தேதி வெளியான இந்த திரைப்படம் இன்றும் க்ளாசிக் என கொண்டாடப்படுகிறது.

இந்தப் படத்தில் ரஜினிக்கு தம்பியா நடித்த சசிகுமார் கன்னடம், தெலுங்கு, தமிழ் படங்களில் நடித்துள்ளார். வில்லன் நடிகராக அறிமுகமாகி பின்னர் ஹீரோவாக நடித்து தனக்கென தனி அடையாளத்தை ஏற்படுத்திக்கொண்டவர் சசிகுமார்.

90களில் சிறிய கதாபாத்திரங்கள், ஹீரோ என நடித்து வந்தவருக்கு பெரிய அளவில் அடையாளம் கொடுத்தத படம் ‘பாட்ஷா’. இந்தப் படத்தில் நடித்தது தனது கரியரில் மிகப்பெரிய வாய்ப்பு எனவும், ரஜினிக்கு நன்றி என்றும் பேட்டிஒன்றில் குறிப்பிட்டிருந்தார் சசிகுமார். பல வெற்றிப்படங்களை கொடுத்தவர் இடையில் சரிந்தார்.

அதற்கு காரணம் கடந்த 1998-ம் ஆண்டு சசிகுமார் கார் விபத்தில் படுகாயமடைந்தார். அவருக்கு அறுவை சிகிச்சை நடைபெற்றது. இதன்பிறகு தோற்றம் மாறிப்போனது. இதனால் அவர் நடிக்க ஒப்புக்கொண்ட படங்களின் தயாரிப்பாளர்கள் பின்வாங்கினர். தொடர்ந்து பட வாய்ப்புகள் குறைந்து போனது. துணை கதாபாத்திரங்களில் நடிக்க ஆரம்பித்தார்.

மதுபோதையில் அவர் விபத்து ஏற்படுத்தியதாக குற்றம் சாட்டப்பட்டது. அதன் பின்னர் இவரின் நடிப்பில் சில பல படங்கள் வந்தாலும் பெரிய அளவில் வரவேற்பு பெறவில்லை. தொடர்ந்து அரசியலில் களம் கண்டார்.

1999-ம் ஆண்டு நடைபெற்ற 13வது மக்களவைத் தேர்தலில் ஜனதா தள் சார்பில் சித்ரதுர்கா தொகுதியில் போட்டியிட்டு எம்பியாக தேர்வானார். 2006-ம் ஆண்டு காங்கிரஸில் தன்னை இணைத்துக் கொண்டார். மதுபோதைக்கு அடிமையாகியிருப்பதாக கூறப்படுகிறது. கடைசியாக கடந்த ஆண்டு வெளியான Krishnam Pranaya Sakhi என்ற கன்னட படத்தில் நடித்தது குறிப்பிடத்தக்கது.