உடல் எடையை குறைக்கும் இந்தக் கஞ்சி... இப்படி செஞ்சு சாப்பிடுங்க: டாக்டர். ராஜலக்ஷ்மி

உடல் எடையைக் குறைப்பது என்பது கொஞ்சம் சவாலான விஷயம்தான். ஏனெனில் அந்த எடை இழப்பு பயணத்தில் முதலில் நாம் தியாகம் செய்ய வேண்டியது நமக்கு மிகவும் பிடித்த ஜங்க் உணவுகள், பதப்படுத்தப்பட்ட உணவுகளை முற்றிலும் தவிர்க்க வேண்டும். அதையடுத்து முக்கியமாக நார்ச்சத்துக்களும் குறைந்த கலோரி உள்ள உணவுகளையும் எடுத்துக் கொள்ள வேண்டும்.

பார்லியில் அதிகப்படியான அளவு நார்ச்சத்துக்கள் நிறைந்திருப்பதால் இது நீண்ட நேரம் வயிறை நிரம்பிய உணர்வோடு முழுமையாக வைத்திருக்கச் செய்யும்.

பசியைக் கட்டுப்படுத்தும் தன்மை கொண்டிருப்பதால் எடுத்துக் கொள்ளும் அதிகப்படியான கலோரி அளவை கட்டுப்படுத்துவதோடு தேவையில்லாமல் ஜங்க் உணவுகளை தவிர்க்க உதவுகிறது. இதனால் எளிமையாக உடல் எடையைக் குறைக்கும்.

பார்லியில் கலோரி அளவுகள் மிக மிகக் குறைவு. பார்லி நீரை தினமும் குடித்து வந்தால் நம்முடைய ஜீரண மண்டலம் சீராக இயங்கும். ஜீரண சக்தியை மேம்படுத்தும். ஜீரண சக்தியை முறைப்படுத்துவது எடையை குறைப்பதற்கு மிக உதவியாக இருக்கும்.

ஆயுர்வேதத்தில் இந்த பார்லி நீரை கிட்டதட்ட ஜீரணத்தை மேம்படுத்த உதவும் டானிக் போலவே பயன்படுத்துகிறார்கள். இந்த பார்லி நீரை எடுத்துக் கொள்வது மலச்சிக்கல், டயேரியா போன்ற பிரச்சினைகள் ஏற்படாமல் தவிர்க்கவும் உதவியாக இருக்கும்.

பார்லி நார்ச்சத்துக்கள் நிறைந்த ஒரு தானியம். மிக மிகக் குறைந்த கலோரி கொண்ட ஒரு தானியம் என்று சொல்லலாம். அனால் அதை அனைவரும் தவறான முறையில் உட்கொள்கிறார்கள், அதை எப்படி சாப்பிட வேண்டும் என்று டாக்டர். ராஜலக்ஷ்மி கூறியுள்ளார்.

பார்லியை நன்கு வறுத்து பொடி செய்து அதை ஏதாவது ஒரு விதத்தில் உங்கள் உணவில் சேர்த்துக்கொண்டால் மட்டுமே ஆரோக்கியமாகும்