வெயிட் லாஸ் மக்களே... பெஸ்ட் காலை உணவு இதுதான்!

இது சிறுநீரக ஆரோக்கியம், குடல் நலம் மற்றும் உடல் எடையை கட்டுப்படுத்துவதற்கும் சிறந்தது. பார்லி தனியாகவும், காய்கறிகளுடன் சேர்த்தும் சூப்பராகவும் காஞ்சியாகவும் சமைக்க முடியும். இதை எப்படி செய்யலாம் என்று பார்ப்போம்.

தேவையான பொருட்கள்

பார்லி – ½ கப், வெங்காயம் – 1 (நறுக்கியது), தக்காளி – 1 (நறுக்கியது), கேரட் – 1 (சிறு துண்டுகளாக நறுக்கியது), பீன்ஸ் – 5 (நறுக்கவும்), பட்டாணி – 2 மேசைக்கரண்டி (விருப்பப்படி), இஞ்சி பூண்டு விழுது – 1 மேசைக்கரண்டி, மிளகு – ½ மேசைக்கரண்டி (தர்பரமாக இடித்து), கறிவேப்பிலை, கொத்தமல்லி – சிறிதளவு, உப்பு – தேவையான அளவு, எண்ணெய் – 1 மேசைக்கரண்டி, தாளிக்க – கடுகு, சீரகம், கறிவேப்பிலை.

பார்லியை நன்றாக கழுவி, 4–5 மணி நேரம் ஊறவைக்கவும். பிறகு சிறிது உப்பு, 2.5 கப் தண்ணீர் சேர்த்து 3 விசில் வரை குக்கரில் வேக வைக்கவும்.

ஒரு வாணலியில் எண்ணெய் ஊற்றி, கடுகு, சீரகம், கறிவேப்பிலை தாளிக்கவும். பிறகு இஞ்சி-பூண்டு விழுது, வெங்காயம், தக்காளி சேர்த்து வதக்கவும்.

அதன் பின் கேரட், பீன்ஸ், பட்டாணி சேர்த்து சற்று வதக்கி, மூடி வைத்து 5 நிமிடங்கள் வேகவைக்கவும்.

இப்போது வேகவைத்த பார்லியை சேர்த்து, தேவையான அளவு தண்ணீர் ஊற்றி, உப்பு சேர்த்து கொதிக்க விடவும்.

இறுதியில் மிளகு தூள், கொத்தமல்லி சேர்த்து இறக்கவும்.

சூடாக இருக்கும்போது குடிக்கவும். எளிதான காலை உணவாகவும், இரவு நேர டயட் உணவாகவும் பரிமாறலாம்.