பீட்ருட்ல ரசமா?, புதுசா இருக்கே; சீரியல் நடிகை சூப்பர் ரெசிபி: இப்படி ட்ரை பண்ணுங்க!

தேவையான பொருட்கள்:

பீட்ரூட் - 1 (நடுத்தர அளவு), தக்காளி - 2, புளி - சிறிய நெல்லிக்காய் அளவு, மிளகு - 1 டீஸ்பூன், சீரகம் - 1 டீஸ்பூன், காய்ந்த மிளகாய் - 2, பூண்டு - 4-5 பல், கறிவேப்பிலை - சிறிது, எண்ணெய் - 1 டீஸ்பூன், கடுகு - 1/2 டீஸ்பூன், பெருங்காயம் - ஒரு சிட்டிகை, கொத்தமல்லி தழை - சிறிது, உப்பு - தேவையான அளவு.

பீட்ரூட் மற்றும் தக்காளியை நன்றாக கழுவி சிறு துண்டுகளாக நறுக்கவும். நறுக்கிய பீட்ரூட், தக்காளி, மிளகு, சீரகம், காய்ந்த மிளகாய், பூண்டு ஆகியவற்றை மிக்சியில் போட்டு விழுதாக அரைக்கவும்.

புளியை சுடு தண்ணீரில் ஊறவைத்து கரைத்துக்கொள்ளவும். ஒரு பாத்திரத்தில் எண்ணெய் ஊற்றி காய்ந்ததும் கடுகு, பெருங்காயம், கறிவேப்பிலை போட்டு தாளிக்கவும்.

அரைத்த விழுதை சேர்த்து நன்றாக வதக்கவும்.

புளி கரைசலை ஊற்றி தேவையான அளவு உப்பு சேர்த்து கொதிக்க விடவும்.

நன்றாக கொதி வந்ததும் மல்லித்தழை தூவி இறக்கவும்.

சுவையான பீட்ரூட் ரசம் தயார்!