பழைய போனில் தங்கம்? இனி தூக்கிப் போடாதீங்க மக்களே!

நவீன காலத்தில் பல வீடுகளில் பழைய மொபைல் போன்கள், கேபிள்கள் போன்ற பயன்பாட்டிலில்லாத எலக்ட்ரானிக் சாதனங்கள் சேமிக்கப்படுகின்றன. இவை தங்கம் மற்றும் பிற மதிப்புமிக்க உலோகங்கள் கொண்டிருப்பதைக் ஆராய்ச்சியாளர்கள் கண்டறிந்துள்ளனர்; ஒரு கிலோ எலக்ட்ரானிக் சர்க்யூட் போர்டில் 200 முதல் 900 மில்லி கிராம் தங்கம் இருக்கும்.

மதிப்புள்ள உலோகங்களை எடுப்பது சிரமமானதும், முன்பிருந்த நச்சு இரசாயனங்கள் உடலுக்கும் சூழலுக்கும் ஆபத்தானவையாக இருந்தன.

ஆனால், ஆஸ்திரேலியாவில் உள்ள ஃபிளிண்டர்ஸ் பல்கலைக்கழக ஆராய்ச்சியாளர்கள், தற்போது இந்த தங்கத்தை பிரித்தெடுப்பதற்கான ஒரு புதிய, பாதுகாப்பான முறையை உருவாக்கியுள்ளனர்.

ஆராய்ச்சியாளர்கள், ட்ரை குளோரோஐசோசயனூரிக் அமிலத்தை அடிப்படையாகக் கொண்டு, நச்சற்ற புதிய கரைப்பானை உருவாக்கியுள்ளனர். இது அபாயகரமான இரசாயனங்கள் இல்லாமல், ஈ-கழிவுகள் மற்றும் தாதுக்களிலிருந்து தங்கத்தை எளிதாக பிரிக்க உதவுகிறது.

தங்கம், அதன் இயற்கையான மின் கடத்தும் திறன், நீடித்த தன்மை, மற்றும் அரிப்பு எதிர்ப்பு சக்தி போன்ற காரணங்களுக்காக, எலக்ட்ரானிக் பொருள்களில் பரவலாக பயன்படுத்தப்படுகிறது.

2022ல் உலகம் முழுவதும் 62 மில்லியன் டன் ஈ-கழிவுகள் உருவாகின, இது 2010க்குப் போன்று 82% அதிகம். இக் கழிவுகளில் இருந்து தங்கத்தை பெறும் போது பயன்படுத்தப்படும் நச்சு இரசாயனங்கள் சூழலுக்கு சேதம் ஏற்படுத்துகின்றன. புதிய நச்சற்ற முறை, ஈ-கழிவுகளை மீள்சுழற்சி செய்வதில் முக்கிய மாற்றம் ஏற்படுத்தும் என நம்பப்படுகிறது.

ஆகையால், பழைய எலக்ட்ரானிக் சாதனங்களை தூக்கி எறிவதற்குப் பதிலாக, அவற்றை ஈ-கழிவு மறுசுழற்சி மையங்கள் அல்லது தொண்டு நிறுவனங்களில் ஒப்படையுங்கள். இது சுற்றுசூழல் பாதுகாப்புக்கும் பசுமையான எதிர்காலத்திற்கும் உதவும்.