எந்த மாவும், பக்குவமும் வேணாம்... டேஸ்டி குலாப் ஜாமூன்!

தேவையான பொருட்கள்:

பிரெட் துண்டுகள்: 8-10 பால்: 1/2 கப் (தேவையான அளவு) சர்க்கரை: 1 கப் ஏலக்காய் பொடி: 1/4 டீஸ்பூன் நெய் அல்லது எண்ணெய்: பொரிப்பதற்கு தேவையான அளவு எலுமிச்சை சாறு: ஒரு டீஸ்பூன் (சர்க்கரை பாகில் சேர்க்க). இதில் இருந்து உங்களுக்கு தெரிந்திருக்கும் இந்த குலாப் ஜாமூனை நாம் பிரட் வைத்து செய்ய போகிறோம்.

பிரெட் துண்டுகளின் ஓரங்களை நீக்கிவிட்டு, பாலை கொஞ்சம் கொஞ்சமாக சேர்த்து மிருதுவாக பிசைந்து கொள்ளவும்.

ஒரு பாத்திரத்தில் சர்க்கரை மற்றும் ஒரு கப் தண்ணீர் சேர்த்து கொதிக்க விடவும். சர்க்கரை கரைந்ததும், எலுமிச்சை சாறு மற்றும் ஏலக்காய் பொடியை சேர்த்து கிளறி, பாகு பதம் வந்ததும் இறக்கவும்.

பிசைந்த பிரெட் கலவையை சிறிய உருண்டைகளாக உருட்டவும்.

ஒரு வாணலியில் நெய் அல்லது எண்ணெய் ஊற்றி சூடாக்கி, உருண்டைகளை பொன்னிறமாக பொரித்தெடுக்கவும்.

பொரித்த உருண்டைகளை சூடான சர்க்கரை பாகில் போட்டு 30 நிமிடம் ஊற வைக்கவும்.

சுவையான பிரெட் குலாப் ஜாமூன் தயார்.