40 வயது பெண்களின் எலும்பை வலுப்படுத்தும்... இந்தப் பொடியை இப்படி சாப்பிடுங்க: டாக்டர் உஷா நந்தினி

பெண்களின் வாழ்க்கையில் 40 வயதைக் கடப்பது என்பது மிக முக்கியமான தருணம். அந்த காலகட்டத்தில் அவர்களுடைய உடலில் நிறைய மாற்றங்கள் உண்டாகும். குறிப்பாக ஊட்டச்சத்துக்களின் தேவை அதிகமாகும், அதோடு மெட்டபாலிசம் மாற்றம் அடையும் காலகட்டம் அது. அதோடு இனப்பெருக்க உற்பத்தி தொடர்பான மாறுதல்கள் உடலில் ஏற்படும் வயது அது.

இந்த காலகட்டத்தில் தங்களுடைய டயட்டில் அதிக கவனம் செலுத்த வேண்டும். நோயின்றி தன்னை ஆரோக்கியமாக வைத்துக் கொள்ளும் காலகட்டம் அது. அப்படி சரியான டயட்டை தேர்வு செய்வது மெட்டபாலிசத்தை முறைப்படுத்த உதவும்.

தேங்காயின் பல நன்மைகள் பெண்கள், குறிப்பாக கர்ப்பிணிப் பெண்களுக்கு மிகவும் பயனுள்ளதாக இருக்கும். தேங்காய் பூவைச் சாப்பிடுவதால் கருவுற்ற பெண்களின் முதுகுவலி குறையும், உடல் வலிமை பெறும், நோய் எதிர்ப்பு சக்தி கூடும், கருப்பையில் உள்ள கழிவுகள் நீங்கும், பாலூட்டும் தாய்மார்களுக்கு பால் சுரப்பு அதிகரிக்கும். மேலும், தேங்காயில் ஆன்டி ஆக்ஸிடன்ட் அதிகம் இருப்பதால், உடலுக்குத் தேவையான ஆக்ஸிஜன் அளவை அதிகரிக்கவும், புற்றுநோய் வராமல் தடுப்பதற்கும் உதவுகிறது.

வெள்ளை எள், பெண்களின் உடல்நலனுக்கு பல நன்மைகளை கொண்டுள்ளது. மாதவிடாய் சுழற்சி, இனப்பெருக்க ஆரோக்கியம், எலும்புகள் பலம் பெறுதல், ஹார்மோன் சமநிலை உள்ளிட்ட பல நன்மைகளை எள் வழங்குகிறது.

கர்ப்பிணி பெண்களுக்கு கருவேப்பிலை பல நன்மைகளை அளிக்கிறது. அது காலைக்கால வாந்தி, குமட்டல் போன்ற பிரச்சனைகளைத் தணிக்கவும், நீரேற்றத்தை அதிகரிக்கவும், ஜீரணத்தை மேம்படுத்தவும் உதவுகிறது. கருவேப்பிலையில் வைட்டமின்கள், தாதுக்கள், ஆன்டிஆக்ஸிடன்ட்கள் நிறைந்துள்ளன, இது கர்ப்பிணிகளின் உடல் ஆரோக்கியத்தை மேம்படுத்துகிறது.