உடல் எடையை டக்குன்னு குறைக்கலாம்... இந்த சட்னி எடுத்துக்கோங்க!

ஸ்மோக்கி லாசன் சட்னி

20 பூண்டு பற்களை லேசாக வறுத்து, சீரகம், தனியாத்தூள், சிவப்பு மிளகாய்த் தூள், உப்பு சேர்த்து தண்ணீர் இல்லாமல் கொர கொரப்பாக அரைத்தால் சட்னி தயார். ரொட்டிக்குத் தொட்டு சாப்பிடலாம். இது தொற்று எதிர்ப்பு சக்தியை உயரும், குளிர்காலங்களில் உஷ்ணம் தரும், இரத்த ஓட்டத்தைச் சீராக்கும்.

சிவப்பு மிளகாய்-பூண்டு சட்னி

ஊறவைத்த சிவப்பு மிளகாய், பூண்டு, வினிகர், உப்பு, சீரகம், சிறிது தண்ணீருடன் அரைத்து, லெமன் ஜூஸ் சேர்க்கவும். கடுகு, கறிவேப்பிலை தாளித்து சேர்த்தால் சுவை அதிகரிக்கும். இந்த சட்னி புளிப்பு, கார சுவையுடன், பூண்டின் தொற்று எதிர்ப்பு சக்தியும், சைனஸ் போன்ற கோளாறுகளுக்கு நிவாரணமும், வினிகரின் மூலம் குடல் ஆரோக்கியத்தையும் வழங்கும்.

நட்டி கார்லிக் சட்னி:

பூண்டைப் பொன்னிறமாக வறுத்து, வேர்க்கடலை, சிவப்பு மிளகாய்த் தூள், உப்பு, உலர்ந்த தேங்காய் சேர்த்து அரைத்தால் நட்டி கார்லிக் சட்னி தயார். இது நல்ல எரித்துச் சுவையுடன், நோயெதிர்ப்பு சக்தியை கூட்டி உடல்நலத்தைக் மேம்படுத்த உதவும்.

தயிர்-புதினா-பூண்டு சட்னி

பூண்டு, புதினா, தயிர், பச்சை மிளகாய், உப்பு சேர்த்து அரைத்தால் குளுமையான சட்னி தயார். இது நோயெதிர்ப்பு சக்தியை உயர்த்தி, ஜீரணத்தை மேம்படுத்தி, உடல் வீக்கத்தை குறைக்கும். கிரில்டு வெஜிடபிள்களுடன் சிறந்த சேர்க்கை.

இந்த நான்கு வகை சட்னிகளையும் தவறாமல் உணவுடன் சேர்த்து அடிக்கடி உண்ணும் பழக்கத்தை வளர்த்துக் கொண்டால், ஆரோக்கியமான வாழ்கையை நடத்த முடியும்.