அஜீரண கோளாறு? மோருடன் இந்தப் பொடி சேர்த்து; இப்படி குடிச்சுப் பாருங்க: மருத்துவர் சிவராமன்

உடலில் செரிமான மண்டலம் சீராக இயங்கினால் தான் உடலுக்கு வேண்டிய ஊட்டச்சத்துக்கள் சீராக கிடைக்கும். உண்ணும் உணவு உடல் ஆரோக்கியத்துக்கு தேவையான அனைத்து ஊட்டச்சத்துக்களையும் கொண்டுள்ளது. இந்நிலையில் செரிமான பிரச்சனையால் அவதிப்படுபவர்கள் வீட்டிலேயே எப்படி வைத்தியம் செய்துகொள்ளலாம் என்பதை விளக்குகிறார் மருத்துவர்.

அஜீரணக்கோளாறு அடிக்கடி எதிர் கொள்பவர்களுக்கு வீட்டு வைத்தியமாக அன்னப்பொடி சொல்லப்படுகிறது. எளிதான இது மதிய உணவின் போது முதல் ஒரு கவளம் இந்த பொடி சேர்த்து பிசைந்து சாப்பிடுவது தான்.

இப்படி சாப்பிடுவதன் மூலம் உடலில் வயிற்றில் குடலில் ஆரோக்கியம் அளிக்கும் நொதிகளை செரிமானத்துக்கேற்ற நொதிகளை தேவையான அளவு சுரக்க உதவி புரியும். இதற்கு நம் வீட்டு அஞ்சறைப்பெட்டியில் இருக்கும் பொருள்களே போதுமானது. எப்ப்படி தயாரிப்பது என்பதை பார்க்கலாம்.

சுக்கை தோல் சீவி நறுக்கி பொடியாக்கி சேர்க்கவும். மிளகு, திப்பிலி, ஒமம், சீரகம், கறிவேப்பிலை அனைத்தையும் வறுத்து பொடியாக்கவும். இப்போது அனைத்தையும் கலந்து இந்துப்பு மற்றும் பெருங்காயம் கலந்து கண்ணாடி பாட்டிலில் எடுத்துவைக்கவும். இதை இரண்டு மாதம் வரை வைத்திருந்து பயன்படுத்தலாம்.

மதிய உணவில் ஒரு கவளம் சூடான சாதம் எடுத்து அதில் அரை அல்லது ஒரு டீஸ்பூன் அளவு இந்த பொடி கலந்து சாப்பிட வேண்டும். பிறகு வழக்கமான உணவுகள் சேர்க்கலாம். அப்படி செய்து வந்தால் வயிறு குடல் பகுதிகளில் நொதிகள் சுரக்க செய்யும்.

இந்த நொதிகள் நன்றாக சுரந்து ஜீரணம் சரியாகும். வாய்வு இருக்காது. நெஞ்செரிச்சல், எதுக்களிப்பு இருக்காது, அஜீரணத்துக்கு மாத்திரைகள் எடுத்து குடல் சார்ந்த பிரச்சனைகளை வரவழைத்துகொள்வதை விட இயற்கையான முறையில் இதை எடுக்கலாம்.