பாக்ஸ் ஆபிசில் வசூல் வேட்டை... முதல் 6 மாதத்தில் கோடிகளை குவித்த மலையாள படங்கள்!

ரேகாசித்திரம்

இயக்குநர் ஜோபின் டி சாக்கோ இயக்கத்தில் நடிகர் ஆசிஃப் அலி நடிப்பில் ஜனவரி 9ம் தேதி தியேட்டரில் ரிலீஸான திரைப்படம் 'ரேகாசித்திரம்'. பெண்ணின் மர்மமான கொலை வழக்கை சஸ்பெண்ட் செய்யப்பட்ட போலீஸ் அதிகாரி கண்டுபிடிப்பதே இப்படத்தின் த்ரில்லான கதைக்களம். 9 கோடி ரூபாய் பட்ஜெட்டில் எடுக்கப்பட்ட இப்படம் மொத்தம் 57.30 கோடி ரூபாய் வசூல் செய்துள்ளது. தமிழிலும் ஹிட் கொடுத்த இப்படம் தமிழ்நாட்டில் மட்டும் 1.17 கோடி ரூபாய் வசூல் செய்துள்ளது.

ஆலப்புழா ஜிம்கானா

இயக்குநர் காலித் ரஹ்மான் இயக்கத்தில் நஸ்லேன் நடிப்பில் கடந்த மே மாதம் 10ம் தேதி தியேட்டரில் ரிலீஸான திரைப்படம் 'ஆலப்புழா ஜிம்கானா'. ஜாலியான ஃபீல் குட் காமெடி ஸ்போர்ட்ஸ் ட்ராமா கதைக்களத்தில் வெளியாகி மக்களின் அமோக வரவேற்பு பெற்றது. 12 கோடி ரூபாய் பட்ஜெட்டில் உருவான இப்படம் மொத்தம் 72 கோடி ரூபாய்க்கும் மேல் வசூல் செய்து அசதியுள்ளது. தமிழ் சினிமா ரசிகர்களையும் அதிகம் ஈர்த்த இப்படம் தமிழ்நாட்டில் மட்டும் 1.83 கோடி ரூபாய் வசூல் செய்துள்ளது.

துடரும்

மோகன்லால், சோபனா நடிப்பில் கடந்த ஏப்ரல் 25ம் தேதி தியர்ட்டரில் ரிலீஸான திரைப்படம் 'துடரும்'. ரிலீஸான முதல் நாளில் இருந்து படம் அமோக வரவேற்பை பெற்றது. ரசிகர்கள் குடும்பம் குடும்பமாக இப்படத்தை காண தியேட்டருக்கு விரைந்தனர். மலையாளத்தை தொடர்ந்து தமிழில் 'தொடரும்' என்ற பெயரில் டப் செய்யப்பட்டு வெளியானது. மலையாளத்தில் கிடைத்த வரவேற்பை போல் தமிழிலும் மெகா ஹிட்டானது. 28 கோடி ரூபாய் பட்ஜெட்டில் எடுக்கப்பட்ட இப்படம் மொத்தம் 235 கோடி ரூபாய் வசூல் செய்ததாக கூறப்படுகிறது. இதில் தமிழ்நாட்டில் மட்டும் 5.86 கோடி ரூபாய் வசூல் செய்துள்ளது.

மோகன்லால், பிரித்விராஜ் நடிப்பில் மார்ச் மாதம் 26ம் தேதி தியேட்டரில் ரிலீஸான திரைப்படம் 'எம்புரான்'. இந்தியாவின் மதச்சார்பின்மை, அரசியல் ஆதாயத்துக்காக ஜனநாயகத்தை சீரழிக்கும் அரசியல்வாதிகளை மையப்படுத்தி இப்படத்தின் கதைக்களம் அமைத்துள்ளது. விமர்சனம் ரீதியாகவும், வசூலிலும் மாபெரும் வெற்றிபெற்ற இப்படம் 268 கோடி ரூபாய்க்கும் மேல் வசூல் செய்து சாதனை படைத்தது. தமிழிலும் வெளியான இப்படம் தமிழ் சினிமா ரசிகர்களின் கவனத்தை அதிகம் ஈர்த்து மாஸ் ஹிட் கொடுத்தது. தமிழ்நாட்டில் இப்படம் 9.63 கோடி ரூபாய் வசூல் செய்து அசதியுள்ளது.

இந்த படங்களையெல்லாம் உங்கள் வீட்டிலேயே ஒடிடி யில் இந்த வீகென்ட் கண்டு மகிழுங்கள்.