சுரங்க விபத்து முதல் ராமர் கோவில் வரை: தி இந்தியன் எக்ஸ்பிரஸ் பெஸ்ட் போட்டோஸ் 2023

The Indian Express - Photos 2023 

1. உத்தரகாண்ட் மாநிலம் உத்தரகாசி மாவட்டத்தில் சுரங்கப்பாதை இடிந்து விழுந்ததில் 41 தொழிலாளர்கள் சிக்கினர். 17 நாட்கள் இடைவிடாத மீட்புப் பணிகளுக்குப் பிறகு, அவர்கள் இறுதியாக நவம்பர் 28, 2023 அன்று மீட்கப்பட்டனர். (எக்ஸ்பிரஸ் புகைப்படம்: சித்ரல் கம்பாதி)

2. இரவு 8 மணியளவில், முதல் தொழிலாளி வெளியே அழைத்துச் செல்லப்பட்டு ஆம்புலன்சில் மருத்துவ மையத்திற்கு அழைத்துச் செல்லப்பட்டார்.  (எக்ஸ்பிரஸ் புகைப்படம்: சித்ரல் கம்பாதி)

3. சமீப ஆண்டுகளில் நடந்த மிக மோசமான ரயில் விபத்துகளில் ஒன்றாக பாலசோர் ரயில் விபத்து பார்க்கப்படுகிறது. ஜூன் 2 இரவு 7 மணியளவில் கொல்கத்தாவில் இருந்து சென்னை வந்து கொண்டிருந்த கோரமண்டல் விரைவு ரயில், ஒடிசா மாநிலம் பாலசோர் மாவட்டம் பஹானாகா ரயில் நிலையம் அருகே எதிர்பாராதவிதமாக விபத்துக்குள்ளானது. இந்த விபத்தில் கோரமண்டல் விரைவு ரயில் பெட்டிகள் அருகில் இருந்த தண்டவாளத்தில் சரிந்தது.

அப்போது பெங்களூருவில் இருந்து கொல்கத்தா நோக்கி சென்றுகொண்டிருந்த யஸ்வந்த்பூர் ஹவுரா விரைவு ரெயில், தடம் புரண்ட ரயில் பெட்டிகள் மீது மோதி அந்த ரயிலும் விபத்துக்குள்ளானது. மேலும், சரக்கு ரயிலும் இந்த விபத்தில் சிக்கியது. இந்த விபத்தில் ரயிலில் பயணம் செய்த 200க்கும் மேற்பட்டோர் உயிரிழந்தனர் மற்றும் 900க்கும் மேற்பட்டோர் காயமடைந்தனர். (எக்ஸ்பிரஸ் புகைப்படம் பார்த்தா பால்).

4. விபத்து நடந்த பகுதியில் தேசிய பேரிடர் மீட்பு படையினர், மாநில பேரிடர் மீட்பு படையினர் மற்றும் தீயணைப்பு வீரர்கள் மீட்பு பணியில் ஈடுபட்டு வருகிறார்கள். ரயில் பெட்டிகளின் மேல் அவசர விளக்குகளின் கீழ் எரிவாயு கட்டரைப் பயன்படுத்தி இறந்தவர்களையோ அல்லது உயிருடன் இருப்பவர்களையோ காப்பாற்றுகிறார்கள். (எக்ஸ்பிரஸ் புகைப்படம் பார்த்தா பால்)

5. 17 இந்திய இளைஞர்கள் லிபியாவில் உள்ள திரிபோலி சிறையில் இருந்தனர். ஏனெனில் பஞ்சாப் மற்றும் டெல்லியில் இருந்து நேர்மையற்ற பயண ஏஜெண்டுகள் ஆகஸ்ட் மாதம் அவர்களை இத்தாலிக்கு அனுப்புவதாகக் கூறி ஏமாற்றினர். இந்த படத்தில், பாதிக்கப்பட்டவர்களில் ஒருவர் விடுவிக்கப்பட்ட பிறகு விமான நிலையத்தில் தனது குடும்பத்துடன் மீண்டும் இணைகிறார். (எக்ஸ்பிரஸ் புகைப்படம் கஜேந்திர யாதவ்)

6.டெல்லியில் யமுனை வெள்ளம் பாதித்ததைத் தொடர்ந்து, நிவாரண முகாம்கள் அமைக்கப்பட்டன. நகரத்தில் உள்ள வெள்ள நிவாரண முகாம்களின் மாலை காட்சி இங்கே. (எக்ஸ்பிரஸ் புகைப்படம் தாஷி டோப்கியால்).

7. ஸ்ரீ ராம் ஜென்மபூமி தீர்த்த க்ஷேத்ரா அறக்கட்டளை பிப்ரவரி 5, 2020 முதல் இந்த ஆண்டு மார்ச் 31 வரை அயோத்தியில் ராமர் கோயில் கட்ட ரூ.900 கோடி செலவிட்டுள்ளது. இங்கு, ராம ஜென்மபூமி கோவிலின் முதல் தளத்தில் தொழிலாளர்கள் இறுதிக்கட்ட பணிகளை மேற்கொள்கின்றனர். (எக்ஸ்பிரஸ் புகைப்படம் விஷால் ஸ்ரீவஸ்தா).

8. டெல்லியில் பயிற்சியின் போது  தேசிய பாதுகாப்பு காவலர் படையினரின் நாய். (கஜேந்திர யாதவின் எக்ஸ்பிரஸ் புகைப்படம்)

9.ஜூலை மாதம், தேசிய பேரிடர் மீட்புப் படையினர் (NDRF) டெல்லியில் உள்ள ஜெய்த்பூர் கடா காலனியில் வெள்ளத்தால் பாதிக்கப்பட்ட பகுதியில் இருந்து மக்களை மீட்டனர். (எக்ஸ்பிரஸ் புகைப்படம்: கஜேந்திர யாதவ்). 

10. மே 12 அன்று, புனே நகர காங்கிரஸ் கமிட்டி எஃப்சி சாலையில் ஒரு போராட்டத்தை ஏற்பாடு செய்தது, எம்.பி பிரிஜ் பூஷன் சிங்கைக் கைது செய்யக் கோரி தெரு நாடகங்கள் மற்றும் அஞ்சல் அட்டை பிரச்சாரங்களைப் பயன்படுத்தியது. மல்யுத்த வீரர்களால் சம்பந்தப்பட்ட எம்.பி.க்கு எதிரான பாலியல் துன்புறுத்தல் குற்றச்சாட்டுகள் குறித்து கவனத்தை ஈர்க்கும் நோக்கில் இந்த போராட்டம் பிரதமர் மோடியை நோக்கி செலுத்தப்பட்டது. (எக்ஸ்பிரஸ் புகைப்படம் - அருள் ஹொரைசன்).

ஆங்கிலத்தில் படிக்கவும்: Best pictures of 2023 through the lens of The Indian Express

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“