கரையான் காணாமல் போகும்... அதுக்கு நீங்க லெமனை இப்படி யூஸ் செஞ்சா மட்டும் போதும்; செம்ம ரிசல்ட்!

கரையான் அரித்துள்ள இடங்களில் குழாய்கள் போன்ற மண்ணரிப்புகளை உங்களால் காண முடியும். மேலும் உங்களது மர சாமான்களை சுற்றி அடிக்கடி மரத்தூள் சேர்கிறது என்றால் அங்கு கரையான் அரித்துக் கொண்டிருக்கிறது என்று அர்த்தம். உங்கள் சுவர்களில் விரிசல், ஜன்னல்கள் அல்லது கதவுகளில் அரிப்பு, ஒருவித ஈரப்பத வாசனை போன்றவை கரையான்கள் இருப்பதற்கான சில அறிகுறிகள். அதனால் சுத்தம் செய்யும் போது அறிகுறிகளை கவனியுங்கள்.

கரையான் மற்றும் பூச்சிகளை கொள்வதற்கு இந்த வினிகர் உதவுகிறது. இந்த வினிகரின் நறுமணம் இந்த பூச்சிகளுக்கு ஒவ்வாமையை ஏற்படுத்துகிறது. இரண்டு டீஸ்பூன் வினிகருடன், ஒரு டீஸ்பூன் எலுமிச்சை சாறு சேர்த்து கலந்து கொள்ளவும். இதனுடன் தேவையான அளவு தண்ணீர் சேர்த்து கலக்கவும். இப்போது கரையான் அரித்துள்ள இடங்களில் இந்த கலவையை ஸ்ப்ரே செய்ய வேண்டும். அடிக்கடி கரையான் அரிக்கும் இடங்களில் இப்படி செய்து வர கரையான் தொல்லை முற்றிலும் குறையும்.

வீட்டில் உள்ள கரையான்கள், பூச்சிகள் போன்றவற்றை அழிப்பதற்கு இந்த கிராம்பு உதவுகிறது. கிராம்பை நேரடியாக பயன்படுத்த முடியாது என்பதால், சிறிதளவு நீரில் இரண்டு டீஸ்பூன் கிராம்பு சேர்த்து நன்றாக கொதிக்க விடவும். இந்த நீரை ஆற வைத்து ஸ்ப்ரே பாட்டிலில் கலந்து கரையான் உள்ள இடங்களில் ஸ்பிரே செய்யவும். கரையான்கள் வராமல் இருப்பதற்கு அடிக்கடி இந்த வீட்டு வைத்திய முறையை பயன்படுத்தலாம்.

இந்த பூச்சிகளை கொல்வதற்கு சிட்ரஸ் நிறைந்த எண்ணெய்களை பயன்படுத்தலாம். ஆரஞ்சு, எலுமிச்சை போன்றவற்றில் சிட்ரஸ் அதிகமாக உள்ளது. கடைகளில் சிட்ரஸ் நிறைந்த ஆயில் என்று கேட்டால் உங்களுக்கு கிடைக்கும். கரையான் பூச்சிகளை கொல்வதற்கு இது சிறந்த வழிமுறையாகும். இயற்கையான முறையில் இந்த கரையான்களை கொல்வதற்கு சிட்ரஸ் ஆயிலை தண்ணீரில் கலந்து கரையான் பாதித்துள்ள இடங்களில் ஸ்ப்ரே செய்யலாம்.

கரையான்களை அழிப்பதற்கு இந்த வேப்ப எண்ணெய் பயன்படுகிறது. வேப்ப எண்ணெயில் உள்ள வாசனை இந்த கரையான் பூச்சிகளை விரட்டி அடிக்க உதவுகிறது. இது கரையான்களை மட்டும் அல்லாது வீட்டில் உள்ள பூச்சிகள் மற்றும் கொசுக்களையும் அழிப்பதற்கு உதவுகிறது. எந்தவித கெமிக்கல் அல்லாத இயற்கையான ஒரு பூச்சிக்கொல்லியாக வேப்ப எண்ணெய் நமக்கு பயன்படுகிறது. எனவே கரையான்கள் இருப்பது கண்டறியப்பட்டால் நீங்கள் மெல்லிய துணியை நனைத்து வேப்ப எண்ணெய் தடவி அந்த இடத்தில் தடவலாம்.