5 நிமிசத்துல ஒரு கட்டு காலி... முருங்கைக் கீரை உருவ ஈஸி டிப்ஸ்!

முருங்கை கீரை என்பது நம் பாரம்பரிய உணவில் இடம் பெற்றுள்ள ஒரு மிகவும் ஊட்டச்சத்து மிகுந்த கீரை வகையாகும். இதில் அதிக அளவில் இரும்புச்சத்து இருப்பதால், அனீமியா போன்ற ரத்தக் குறைபாடுகளை தடுக்கும் திறன் கொண்டது.

மேலும், இதில் உள்ள விட்டமின்கள் எ, பி, சி, கால்சியம், புரதம், பொட்டாசியம் போன்ற ஊட்டச்சத்துக்கள், உடல் வளர்ச்சி மற்றும் உடல் நலத்திற்கு பெரிதும் உதவுகின்றன.

தினசரி உணவில் முருங்கை கீரையைச் சேர்ப்பது, உடலை சோர்விலிருந்து மீட்கச் செய்து சுறுசுறுப்பை அதிகரிக்கிறது. இது எலும்புகளுக்கும் பற்களுக்கும் வலிமை தரும் கால்சியத்தையும் கொண்டிருப்பதால், சிறுவர்களுக்கும் முதியவர்களுக்கும் மிகவும் பயனுள்ளதாக இருக்கிறது. ஆண்டி இன்ஃப்ளமேட்டரி தன்மையால் மூட்டு வலி, வீக்கம் போன்றவற்றைக் குறைக்கிறது.

இதில் உள்ள ஆண்டி ஆக்ஸிடண்ட்கள் மற்றும் வைட்டமின்கள் நோய் எதிர்ப்பு சக்தியை அதிகரித்து, உடலை நோய்கள் தாக்காமல் பாதுகாக்கின்றன. இரத்த சர்க்கரையைக் கட்டுப்படுத்தும் தன்மை கொண்ட முருங்கை கீரை, நீரிழிவு நோயாளிகளுக்கும் ஏற்றது. மேலும், டிடாக்ஸிங் தன்மையால் சிறுநீரக செயல்பாட்டை மேம்படுத்தவும் உதவுகிறது.

முருங்கை கீரையை சாம்பார், கூட்டு, தோசை, சூப், அடை, பொரியல் போன்ற உணவுகளில் எளிதில் சேர்க்கலாம். வாரத்தில் குறைந்தது இரண்டு முறை இந்த கீரையை உணவில் சேர்ப்பது, முழு உடலுக்கும் ஆரோக்கிய பாதுகாப்பை அளிக்கும்.

இதை சுலபமாக உருவி சுத்தம் செய்வதற்கு ஒரு கிரேட்டர் போதும். ஒரு கிரேட்டர் எடுத்து அந்த முருங்கை கீரையின் காம்பை ஒரு ஓட்டைக்குள் விட்டு மறுபக்கம் வழியாக உருவ வேண்டும்.

இப்படி செய்தால் எத்தனை கட்டு கீரை இருந்தாலும் அதை நிமிடத்திற்குள் உருவி சுத்தம் செய்து விடலாம்.