கறி குழம்பு வாசம்... ஊர் முழுக்க வீசும்; கொண்டக்கலை வச்சு இப்படி செய்யுங்க!

கருப்பு கொண்டைக்கடலையை கறி குழம்பு போல செய்ய முடியும். மசாலா பொருட்களை சேர்த்து, வெங்காயம், தக்காளி, இஞ்சி பூண்டு விழுது சேர்த்து அரைத்து குழம்பு செய்தால், கறி குழம்பு சுவையில் இருக்கும்.

கருப்பு கொண்டைக்கடலையை நன்கு வேகவைத்துக்கொள்ளவும்.

பட்டை, கிராம்பு, ஏலக்காய், சோம்பு மற்றும் கசகசா சேர்த்து வறுத்து பொடி செய்யவும்.

வெங்காயம், தக்காளி, இஞ்சி, பூண்டு சேர்த்து விழுதாக அரைக்கவும்.

எண்ணெயில், வெங்காயத்தை வதக்கி, அரைத்த விழுது, வேகவைத்த கொண்டைக்கடலை, மசாலா பொடி, உப்பு சேர்த்து நன்கு கிளறவும்.

தேவையான அளவு தண்ணீர் சேர்த்து, குழம்பு நன்கு கொதித்ததும், மல்லித்தழை தூவி இறக்கவும்.

முக்க்கிய குறிப்புகள்:

தேவையான மசாலா பொருட்களை சேர்த்து, உங்களுக்கு பிடித்த மாதிரி குழம்பை மாற்றியமைக்கலாம்.

கறிவேப்பிலை மற்றும் கொத்தமல்லியை குழம்பில் சேர்த்துக்கொள்ளலாம்.